దేవాలయాలు

ఎన్నికల కోడ్ నేప‌థ్యంలో ఎలాంటి సిఫార‌స్సు లేఖ‌లు స్వీక‌రించ‌బ‌డ‌వు

తిరుమల, 2026 అక్టోబరు 2022 : స్థానిక సంస్థల ఎన్నికల నేపథ్యంలో మోడల్ కోడ్ ఆఫ్ కండక్ట్ అమలులో ఉన్నందున శ్రీవారి దర్శనం, వసతి కోసం తిరుమలలో ఎలాంటి సిఫార్సు లేఖలు స్వీకరించబడవు.స్వయంగా వచ్చే ప్రోటోకాల్ ప్రముఖులకు మాత్రమే దర్శనం, వసతి కల్పించడం జరుగుతుంది. మోడల్ కోడ్ ఆఫ్ కండక్ట్ ( ఎన్నికల ప్రవర్తనా నియమావళి ) ఉన్నంత వరకు ఇది వర్తిస్తుంది కావున భక్తులు ఈ విషయాన్ని గమనించి సహకరించవలసిందిగా టీటీడీ విజ్ఞప్తి చేయడమైనది.

MOHAN KUMAR· 7 రోజుల క్రితం

దేవాలయాలు

ఈతకోట నుంచి భవానీల పాదయాత్ర ప్రారంభం

----భక్తిశ్రద్ధలతో భవానీ దీక్ష చేపట్టి అమ్మవారి దర్శనానికి పయనం----విజయదశమి నాటికి ఇంద్రకీలాద్రికి చేరుకోనున్న భవానీలురావులపాలెం : దుర్గమ్మ దర్శనానికి కాలినడకన బయలుదేరిన పలువురు భవానీలు మండలం పరిధిలోని ఈతకోట గ్రామానికి చెందిన పలువురు భవానీలు దసరా శరన్నవరాత్రి మహోత్సవాలను పురస్కరించుకుని విజయవాడ ఇంద్రకీలాద్రిపై కొలువై ఉన్న శ్రీ కనకదుర్గమ్మ అమ్మవారి దర్శనార్థం గురువారం నాడు భక్తిశ్రద్ధలతో పాదయాత్రను ప్రారంభించారు.ఈ సందర్భంగా తొలుత ఈతకోట గ్రామంలోని శ్రీ కనకదుర్గమ్మ అమ్మవారిని దర్శించుకుని ప్రత్యేక పూజలు నిర్వహించారు. అనంతరం అమ్మవారి ఆశీస్సులు పొందిన భవానీలు విజయవాడలోని ఇంద్రకీలాద్రికి పాదయాత్రగా బయలుదేరారు.11 రోజులపాటు నియమనిష్ఠలతో దీక్ష : భవానీలు 11 రోజులపాటు కఠిన నియమనిష్ఠలతో భవానీ దీక్షను ఆచరిస్తూ, అమ్మవారి నామస్మరణ చేసుకుంటూ తమ పాదయాత్రను కొనసాగించనున్నారు. భక్తిభావంతో సాగుతున్న ఈ పాదయాత్రలో భాగంగా విజయదశమి పర్వదినం నాటికి విజయవాడలోని శ్రీ కనకదుర్గమ్మ అమ్మవారి సన్నిధికి చేరుకుని జగన్మాతను దర్శించుకోవాలని భవానీలు సంకల్పించారు.భవానీలకు ప్రజా సేవకుడు గండ్రోతు దుర్గాసురేష్ అభినందనలు :  అమ్మవారిపై అపారమైన భక్తివిశ్వాసాలతో భవానీ దీక్ష చేపట్టి పాదయాత్ర ప్రారంభించిన భవానీలకు ఈతకోట గ్రామానికి చెందిన ప్రజాసేవకుడు గండ్రోతు దుర్గాసురేష్ అభినందనలు తెలిపారు.ఆ జగన్మాత శ్రీ కనకదుర్గమ్మ అమ్మవారి కరుణాకటాక్షాలు భవానీలందరిపై ఎల్లవేళలా ఉండాలని, వారి పాదయాత్ర ఎలాంటి ఆటంకాలు లేకుండా విజయవంతంగా సాగాలని ఆయన ఆకాంక్షించారు. అమ్మవారి దర్శనంతో భవానీలకు సుఖసంతోషాలు, ఆయురారోగ్యాలు, అష్టైశ్వర్యాలు కలగాలని మనస్ఫూర్తిగా కోరుకున్నారు.

GANTA MADHU · 2 వారాల క్రితం · Andhra Pradesh, Kakinada

దేవాలయాలు

*శ్రీదేవి శరన్నవరాత్రి ఉత్సవాల్లో భాగంగా 4 రోజు శ్రీ మహా చండీ దేవి అలంకరణ

   శ్రీ మహా చండీ దేవి కాళీదేవిని పోలి ఉంటుంది. ఒక్కోసారి ఆమె దయగల రూపంలో మరియు తరచుగా ఉగ్ర రూపంలో దర్శనమిస్తుంది. చండీ దేవిని దయగల రూపంలో ఉన్నప్పుడు ఉమా , గౌరీ , పార్వతి , లేదా హైమవతి , శతాక్షి , శాకంభరీ దేవి , అన్నపూర్ణ , జగన్మాత మరియు భవాని అని పిలుస్తారు. అలాగే భయంకరమైన రూపంలో ఉన్నప్పుడు ఆమె దుర్గ , కాళి మరియు శ్యామ , చండీ లేదా చండిక , భైరవి , చిన్నమాస్త మొదలైన పేర్లతో పిలువబడుతుంది. చండీదేవి యొక్క పూజ అశ్వినీ మరియు చైత్ర మాసాల శుక్ల ప్రతిపద నుండి నవరాత్రులలో ఒక ప్రత్యేక వేడుకతో భక్తులు జరుపుకుంటారు. నవరాత్రుల మహోత్సవాలల్లో తల్లి చండీ దేవికి ప్రత్యేక ప్రాముఖ్యత ఉంది. ప్రపంచంలోని పురణా దేవాలయాలలో చండీ దేవి ఒకటి. దుర్గా దేవి యొక్క తొమ్మిది రూపాల్లో ఒకటైన చండికా దేవి యొక్క రూపం గురించి తెలుసుకుందాము.*చండీ దేవి ఎలా అవతరించింది*   మన హిందూ పురాణాలు మరియు హిందూ మత విశ్వాసాల ప్రకారం, రాక్షసులు ఇంద్రుడి సింహాసనాన్ని లాక్కునే సమయం వచ్చినప్పుడు, దేవతలు అందరూ ఒకచోట సమావేశమై ఆ పరమ శివుడి వద్దకు వెళ్ళి రాక్షసులు గురించి చెబుతారు. అప్పుడు పరమ శివుడు మాతృ దేవతను స్తుతించాలని కోరారు. అప్పుడు దేవతలు అందరూ కలిసి మాతృ దేవతను ఆరాధించారు. అప్పుడు మాతృ దేవత అనుగ్రహంతో తల్లి సరస్వతి దేవి , లక్ష్మీదేవి మరియు మహాకాళి దేవి చండీ రూపాన్ని ధరించి రాక్షసులను సంహరిస్తారు.*చండీ దేవి ఆలయం ఎక్కడ ఉంది ?*  చండీ దేవి యొక్క ఆలయం నీల్ పర్వత శిఖరంపై ఉంది. రాక్షసులను సంహరించిన తరువాత , తల్లి చండీ దేవి హరిద్వార్ నీల్ పర్వతానికి వచ్చి అక్కడ స్థిరపడింది. హరిద్వార్‌లో ఉన్నటువంటి మా చండీ దేవి ఆలయం చాలా ప్రత్యేకమైనది. ఈ దేవాలయం ప్రసిద్ధ శక్తి పీఠాలలో ఒకటి. ఈ ఆలయ విగ్రహాన్ని 8వ శతాబ్దంలో గొప్ప సన్యాసి ఆదిశంకరాచార్య రూపొందించారని అక్కడి ప్రజలు నమ్ముతారు. చండీ దేవిని ఇక్కడి ప్రజలు రెండు రూపాల్లో పూజిస్తారు. నవరాత్రులలో అష్ఠమి మరియు నవమి నాడు చండీ దేవి అమ్మవారికి ప్రత్యేక పూజలు జరుగుతాయి. చండీ దేవి అమ్మవారికి అత్యంత ఇష్టమైన చతుర్థి రోజున శారదియ నవరాత్రి సందర్భంగా ఇక్కడ భక్తులు ఉత్సవం కూడా నిర్వహిస్తారు. ఈ రోజున చండీ దేవి అమ్మవారి దర్శనం చేసుకోవడం వలన మనసులోని కోరికలు నెరవేరుతాయని ఇక్కడ భక్తుల విశ్వాసం. నవరాత్రులు ప్రారంభం కావడంతో ఆలయంలో 9 రోజుల పాటు పగలు మరియు రాత్రి ప్రత్యేక పూజలు చేస్తారు. అక్కడి ప్రభుత్వం భక్తులకు ప్రత్యేక ప్రసాదం అందజేస్తోంది. ఉపవాసం ఉన్న భక్తులకు ప్రత్యేక ప్రసాదాన్ని అందజేస్తారు. 1929లో , కాశ్మీర్ రాజు సుచేత్ సింగ్ కోరిక నెరవేరినందుకు అతను ఆ ఆలయాన్ని పునరుద్ధరించాడు అని పురాణాలు చెబుతున్నాయి. *చండీ దేవి అమ్మవారి పూజ ఎలా చేస్తారు*చండీ దేవి పూజ కోసం నవరాత్రి మొదటి రోజున ఒక బ్రాహ్మణుడు ఆవు పేడ మరియు మట్టితో పూత పూసిన ఒక మట్టి కుండను ఆలయం మధ్యలో ఏర్పాటు చేస్తారు. కలశంలో నీటిని తీసుకుని దానిని మామిడి ఆకులతో కప్పి , బియ్యంతో నిండిన మట్టి మూతని కలశం పైన ఉంచి పసుపు గుడ్డతో కప్పుతారు. అదే కలశంలో బ్రాహ్మణ మంత్రాలు చదివిన తర్వాత ఒకరు కుండల నుండి నీటిని చిలకరించి , అదే కలశంలో అమ్మవారిని ఆవాహన చేస్తారు. పూజ మొదటి రోజు నుండి తొమ్మిది రోజుల ఈ కాలంలో , బ్రాహ్మణుడు కేవలం పండ్లు మరియు మూలాలను మాత్రమే తింటారు. చండీ దేవి పూజ ఒక యాగంతో ముగుస్తుంది తరువాత హోమం చేయడం మొదలపెడతారు దానిలో బార్లీ , పంచదార , నెయ్యి మరియు నువ్వులను ఉపయోగిస్తారు. ఈ హోమాన్ని కలశం ముందు చేస్తారు. ఆ కలశం దేవత నివసిస్తుందని భావించబడుతుంది. ప్రతి ఒక భక్తుడు చండీదేవి పట్ల ఐక్యంగా పరిగణించబడతారు. *చండికా మంత్రం*చండీ మాత పూజ సమయంలో పారాయణం చేయడానికి కొన్ని ప్రసిద్ధ మంత్రాలు ఉన్నాయి.*ఓం ఐం హ్రీం క్లీం చాముణ్డాయై విచ్ఛేశ్రీ హ్రీం క్లీం గ్లౌన్ గన్ గణపతయే వర వరద్ సర్వజనం మే వష్మానాయ స్వాహాఓం హ్రీం శ్రీం శ్రీం శ్రీం శ్రీం వరః-ముఖాయ దుః-స్థాన్-శూల్-వేతలాయ క్రీం శ్రీం స్వాహాఐం హ్రీం శ్రీం క్లీం చాముణ్డయై విచ్ఛేఈ మంత్రాన్ని పఠించడం ద్వారా దుర్గామాత అనుగ్రహం పొంది శక్తిని పొందుతారు. మరియు ఆమె వివిధ పూజలకు ఈ మంత్రాలు వివిధ రూపాల్లో ఉపయోగించబడతాయి. ఈ మంత్రాన్ని పఠించడం ద్వారా చండీ దేవి అనుగ్రహం పొంది అన్ని కష్టాల నుండి విముక్తి పొందుతారు.*శ్రీ  చండీ అష్టోత్తర శతనామావళిః*ఓం మహేశ్వర్యై నమఃఓం మహాదేవ్యై నమఃఓం జయంత్యై నమఃఓం సర్వమంగళాయై నమఃఓం లజ్జాయై నమఃఓం భగవత్యై నమఃఓం వంద్యాయై నమఃఓం భవాన్యై నమఃఓం పాపనాశిన్యై నమఃఓం చండికాయై నమఃఓం కాళరాత్ర్యై నమఃఓం భద్రకాళ్యై నమఃఓం అపరాజితాయై నమఃఓం మహావిద్యాయై నమఃఓం మహామేధాయై నమఃఓం మహామాయాయై నమఃఓం మహాబలాయై నమఃఓం కాత్యాయన్యై నమఃఓం జయాయై నమఃఓం దుర్గాయై నమఃఓం మందారవనవాసిన్యై నమఃఓం ఆర్యాయై నమఃఓం గిరిసుతాయై నమఃఓం ధాత్ర్యై నమః,ఓం మహిషాసురఘాతిన్యై నమఃఓం సిద్ధియై నమఃఓం బుద్ధిదాయై నమఃఓం నిత్యాయై నమఃఓం వరదాయై నమఃఓం వరవర్ణిన్యై నమఃఓం అంబికాయై నమఃఓం సుఖదాయై నమఃఓం సౌమ్యాయై నమఃఓం జగన్మాత్రే నమఃఓం శివప్రియాయై నమఃఓం భక్తసంతాపసంహర్యై నమఃఓం సర్వకామప్రపూరిణ్యై నమఃఓం జగత్కర్యై నమఃఓం జగద్ధాత్ర్యై నమఃఓం జగత్పాలనతత్పరాయై నమఃఓం అవ్యక్తాయై నమఃఓం వ్యక్తరూపాయై నమఃఓం భీమాయై నమఃఓం త్రిపురసుందర్యై నమఃఓం అపర్ణాయై నమఃఓం లలితాయై నమఃఓం  విద్యాయై నమఃఓం పూర్ణచంద్ర నిభాననాయై నమఃఓం చాముండాయై నమఃఓం చతురాయై నమఃఓం చంద్రాయై నమఃఓం గుణత్రయవిభాగిన్యై నమఃఓం హేరంబజనన్యై నమఃఓం కాళ్యై నమఃఓం త్రిగుణాయై నమఃఓం యశోధరాయై నమఃఓం ఉమాయై నమఃఓం కలశహస్తాయై నమఃఓం దైత్యదర్పనిఘాదివ్యై నమఃఓం బుద్ద్యె నమఃఓం కాంత్యై నమఃఓం క్షమాయై నమఃఓం శాంత్యై నమఃఓం పుష్ట్యై నమఃఓం తుష్ట్యై నమఃఓం ధృత్యై నమఃఓం మత్యై నమఃఓం వరాయుధధగాయై నమఃఓం ధీరాయై నమఃఓం గౌర్యై నమఃఓం శాకంభర్యై నమఃఓం శివాయై నమఃఓం అష్టసిద్ధి ప్రదాయై నమఃఓం వామాయై నమఃఓం శివవామాంగవాసిన్యై నమఃఓం ధర్మదాయై నమఃఓం ధనదాయై;  శ్రీదాయై నమఃఓం కామదాయై నమఃఓం మోక్షదాయై నమఃఓం అపరాయై నమఃఓం చిత్స్వరూపాయై నమఃఓం చిదానందాయై నమఃఓం జయశ్రియై నమఃఓం జయదాయిన్యై నమఃఓం సర్వమంగళ మాంగల్యాయై నమఃఓం జగత్రయ హితైషిణ్యై నమఃఓం శర్వాణ్యై నమఃఓం పర్వాత్యై నమఃఓం ధన్యాయై నమఃఓం స్కందమాత్రే నమఃఓం అఖిలేశ్వర్యై నమఃఓం ప్రసన్నార్తిహరాయై నమఃఓం దేవ్యై నమఃఓం సుభగాయై నమఃఓం కామరూపిణ్యై నమఃఓం నిరాకారాయై నమఃఓం సాకారాయై నమఃఓం మహాకాళ్యై నమఃఓం సురేశ్వర్యై నమఃఓం శర్వాయై నమఃఓం శ్రద్ధాయై నమఃఓం ధ్రువాయై నమఃఓం కృత్యాయై నమఃఓం మృఢాన్యై నమఃఓం భక్తవత్సలాయై నమఃఓం సర్వశక్తి సమాయుకాయై నమఃఓం శరణ్యాయై నమఃఓం సత్యకామదాయై నమః*ఇతి శ్రీ చండీ అష్టోత్తర శతనామావళి సంపూర్ణం*

GANTA MADHU · 2 వారాల క్రితం · Andhra Pradesh, Kakinada

దేవాలయాలు

‘స్వయం’ బ్రాండ్‌ను ప్రారంభించిన సీఎం

అమరావతి : మహిళా స్వయం సహాయక సంఘాల ఆర్థిక సాధికారతకు మరింత బలాన్ని అందించే దిశగా ఆంధ్రప్రదేశ్ ప్రభుత్వం కీలక అడుగు వేసింది. గ్రామీణ మహిళలు తయారు చేస్తున్న ఉత్పత్తులకు జాతీయ స్థాయిలో గుర్తింపు తీసుకురావడంతో పాటు, విస్తృత మార్కెటింగ్ అవకాశాలను కల్పించే లక్ష్యంతో ముఖ్యమంత్రి నారా చంద్రబాబు నాయుడు ‘స్వయం ’ బ్రాండ్‌ను ప్రారంభించారు. విజయవాడలోని తన క్యాంపు కార్యాలయంలో ఈ బ్రాండ్‌కు శ్రీకారం చుట్టారు. మహిళా సంఘాల ఉత్పత్తులను ఒకే బ్రాండ్‌ కింద మార్కెటింగ్ చేయడం ద్వారా వాటికి మెరుగైన మార్కెట్‌ అవకాశాలు కల్పించాలని ప్రభుత్వం లక్ష్యంగా పెట్టుకుంది.రాష్ట్రవ్యాప్తంగా డ్వాక్రా, స్వయం సహాయక సంఘాల మహిళలు వివిధ రకాల ఉత్పత్తులను తయారు చేస్తున్నారు. అయితే, ఉత్పత్తుల తయారీతో పాటు వాటిని విస్తృత మార్కెట్‌కు తీసుకెళ్లడం, వినియోగదారులకు పరిచయం చేయడం, సరైన ధర పొందడం వంటి అంశాలు మహిళా పారిశ్రామికవేత్తలకు కీలకంగా మారుతున్నాయి. ఈ నేపథ్యంలో ‘స్వయం’ బ్రాండ్‌ ద్వారా మహిళల ఉత్పత్తులకు ప్రత్యేక గుర్తింపును తీసుకురావాలని ప్రభుత్వం భావిస్తోంది.ఒకే బ్రాండ్‌ పేరుతో ఉత్పత్తులను మార్కెటింగ్ చేయడం వల్ల వినియోగదారుల్లో విశ్వసనీయత పెరగడంతో పాటు, ఉత్పత్తుల విక్రయాలకు కొత్త మార్గాలు ఏర్పడే అవకాశం ఉంది. నాణ్యత, ఆకర్షణీయమైన ప్యాకేజింగ్‌, బ్రాండింగ్‌, మార్కెట్ అనుసంధానంపై దృష్టి సారించడం ద్వారా మహిళా సంఘాల ఉత్పత్తులను పోటీ మార్కెట్‌కు అనుగుణంగా తీర్చిదిద్దనున్నారు.‘స్వయం’ బ్రాండ్‌ ఉత్పత్తులకు జాతీయ స్థాయిలో మార్కెటింగ్ అవకాశాలు కల్పించేందుకు నేషనల్‌ సారస్‌ ప్రదర్శనలను వినియోగించుకోనున్నారు. దేశవ్యాప్తంగా నిర్వహించే ఈ ప్రదర్శనల్లో ఆంధ్రప్రదేశ్ మహిళా సంఘాలు తయారు చేస్తున్న ఉత్పత్తులను ప్రదర్శించి, విక్రయించేందుకు అవకాశం కల్పిస్తారు. దీంతో ఇతర రాష్ట్రాల వినియోగదారులకు కూడా ఏపీ మహిళలు తయారు చేస్తున్న ఉత్పత్తులను పరిచయం చేయవచ్చు.స్థానికంగా తయారయ్యే సంప్రదాయ ఉత్పత్తులకు ఇతర ప్రాంతాల్లోనూ మార్కెట్‌ కల్పించడం ద్వారా మహిళల వ్యాపార కార్యకలాపాలను విస్తరించేందుకు వీలుంటుంది. ఈ విధానం ద్వారా మహిళా సంఘాలు కేవలం ఉత్పత్తుల తయారీకే పరిమితం కాకుండా, మార్కెట్ అవసరాలకు అనుగుణంగా వ్యాపారాన్ని అభివృద్ధి చేసుకునే దిశగా ముందుకు సాగవచ్చు.మహిళా సంఘాల ఉత్పత్తులకు నిరంతర విక్రయ వేదికలను అందుబాటులోకి తీసుకురావడంలో భాగంగా విజయవాడ, విశాఖపట్నం నగరాల్లో ‘స్వయం’ బ్రాండ్‌ పేరుతో ప్రత్యేక సిగ్నేచర్‌ స్టోర్లను సిద్ధం చేశారు. రాష్ట్రంలోని వివిధ జిల్లాలకు చెందిన మహిళా సంఘాలు తయారు చేస్తున్న ఉత్పత్తులను ఒకే వేదికపై వినియోగదారులకు అందుబాటులోకి తీసుకురావడం ఈ స్టోర్ల ప్రధాన ఉద్దేశం.ఈ విక్రయ కేంద్రాల ద్వారా మహిళా సంఘాల ఉత్పత్తులకు స్థిరమైన మార్కెటింగ్‌ వేదిక లభించే అవకాశం ఉంది. వినియోగదారులు వివిధ ప్రాంతాల్లో తయారైన ఉత్పత్తులను ఒకే చోట కొనుగోలు చేయగలుగుతారు. తద్వారా మహిళా సంఘాలకు మార్కెట్‌తో ప్రత్యక్ష అనుసంధానం పెరిగే అవకాశం ఉంటుంది.సంప్రదాయ ఉత్పత్తులకు కొత్త అవకాశాలు  : ‘స్వయం’ బ్రాండ్‌ పరిధిలో సంప్రదాయ ఆహార పదార్థాలు, చిరుధాన్య ఉత్పత్తులు, పచ్చళ్లు, మసాలా దినుసులు, హస్తకళలు, బొమ్మలు, చేనేత, వస్త్ర ఉత్పత్తులు తదితరాలకు మార్కెటింగ్ అవకాశాలు మెరుగుపడనున్నాయి. స్థానికంగా లభించే ముడి పదార్థాలు, సంప్రదాయ నైపుణ్యాలు, మహిళల శ్రమతో తయారయ్యే ఉత్పత్తులకు విస్తృత మార్కెట్‌ కల్పించడం ద్వారా గ్రామీణ ఆర్థిక వ్యవస్థకు కూడా తోడ్పాటు లభించనుంది.ఈ కార్యక్రమంలో రాష్ట్ర సూక్ష్మ, చిన్న, మధ్యతరహా పరిశ్రమలు, సెర్ప్‌, ప్రవాసాంధ్రుల సాధికారత, సంబంధాల శాఖ మంత్రి కొండపల్లి శ్రీనివాస్‌, సెర్ప్‌ ఎక్స్‌-అఫీషియో కార్యదర్శి వాకాటి కరుణ, జెడ్పీ, జిల్లా సమాఖ్యల సభ్యులు పాల్గొన్నారు.‘స్వయం’ బ్రాండ్‌ ద్వారా మహిళా సంఘాల ఉత్పత్తులకు నాణ్యమైన బ్రాండింగ్‌, విస్తృత మార్కెటింగ్‌, మెరుగైన విక్రయ అవకాశాలను కల్పించాలన్నది ప్రభుత్వ లక్ష్యం. ఈ కార్యక్రమం విజయవంతమైతే మహిళల ఆదాయాన్ని పెంచడంతో పాటు, గ్రామీణ మహిళా పారిశ్రామికవేత్తలకు కొత్త అవకాశాలు ఏర్పడనున్నాయి. మహిళల ఆర్థిక స్వావలంబనను బలోపేతం చేస్తూ రాష్ట్ర అభివృద్ధిలో వారి భాగస్వామ్యాన్ని పెంచేందుకు ‘స్వయం’ బ్రాండ్‌ కీలక ముందడుగుగా నిలవనుంది.

CHANDRA RAO · 2 వారాల క్రితం · Andhra Pradesh, Kurnool

దేవాలయాలు

జాతీయ సరస్‌ మేళా ప్రారంభించిన రాష్ట్రపతి

---రాష్ట్రపతి సమక్షంలో మహిళా పారిశ్రామికవేత్తలకు ప్రోత్సాహం---28 రాష్ట్రాల రుచులతో ఇండియా ఫుడ్ కోర్ట్---మహిళా పారిశ్రామికవేత్తలకు మార్కెటింగ్ శిక్షణ---34 రాష్ట్రాలు, కేంద్రపాలిత ప్రాంతాల నుంచి మహిళలు---650కి పైగా స్టాళ్లు.. దేశీయ ఉత్పత్తుల ప్రదర్శనవిజయవాడ : గ్రామీణ మహిళల ఆర్థిక స్వావలంబనకు, స్థానిక ఉత్పత్తులకు జాతీయ స్థాయిలో గుర్తింపు తీసుకొచ్చే లక్ష్యంతో విజయవాడలో నేషనల్ సరస్ ఆజీవిక మేళా-2026 నిర్వహణకు ఏర్పాట్లు పూర్తయ్యాయి. ఢిల్లీ-ఎన్‌సీఆర్ ప్రాంతం వెలుపల తొలిసారిగా జాతీయ స్థాయి సరస్ మేళాను నిర్వహిస్తుండటం ఈ కార్యక్రమానికి ప్రత్యేకతగా నిలుస్తోంది.విజయవాడలోని కృష్ణా నదీ తీరాన ఉన్న పున్నమి ఘాట్ వేదికగా అక్టోబర్ 15 నుంచి ఈ మేళా ప్రారంభం కానుంది. రాష్ట్రపతి ద్రౌపది ముర్ము ఈ కార్యక్రమాన్ని అధికారికంగా ప్రారంభించనున్నారు. కేంద్ర వ్యవసాయ, రైతు సంక్షేమ, గ్రామీణాభివృద్ధి శాఖ మంత్రి శివరాజ్ సింగ్ చౌహాన్ చొరవతో నిర్వహిస్తున్న ఈ మేళా గ్రామీణ మహిళా పారిశ్రామికవేత్తలకు తమ ఉత్పత్తులను దేశవ్యాప్తంగా పరిచయం చేసుకునేందుకు గొప్ప అవకాశాన్ని కల్పించనుంది.సాధారణంగా జాతీయ స్థాయిలో నిర్వహించే కార్యక్రమాలను ఢిల్లీ పరిసర ప్రాంతాలకే పరిమితం చేయకుండా దేశంలోని ఇతర ప్రాంతాలకు విస్తరించాలనే లక్ష్యంలో భాగంగా విజయవాడను సరస్ మేళా వేదికగా ఎంపిక చేశారు. ప్రధానమంత్రి నరేంద్ర మోదీ నాయకత్వంలో గ్రామీణాభివృద్ధి, మహిళా సాధికారతకు ప్రాధాన్యం ఇస్తున్న కేంద్ర ప్రభుత్వం ఈ కార్యక్రమం ద్వారా గ్రామీణ మహిళల ప్రతిభను మరింత విస్తృతంగా ప్రజలకు చేరువ చేయాలని భావిస్తోంది.ఢిల్లీ-ఎన్‌సీఆర్ వెలుపల తొలిసారిగా ఈ స్థాయి జాతీయ సరస్ మేళా నిర్వహిస్తుండటంతో ఆంధ్రప్రదేశ్‌కు కూడా ప్రాధాన్యం లభించింది. దేశంలోని వివిధ ప్రాంతాల సంస్కృతి, సంప్రదాయాలు, ఆహారపు అలవాట్లు, హస్తకళలు, చేనేత ఉత్పత్తులు ఒకే వేదికపై కనిపించనున్నాయి. అందుకే కృష్ణా నదీ తీరంలో ఏర్పాటు కానున్న ఈ మేళాను ‘మినీ ఇండియా’గా అభివర్ణించవచ్చు.దీన్‌దయాళ్ అంత్యోదయ యోజన-జాతీయ గ్రామీణ జీవనోపాధి మిషన్ ఆంధ్రప్రదేశ్ గ్రామీణ పేదరిక నిర్మూలన సంస్థ  సహకారంతో ఈ కార్యక్రమాన్ని నిర్వహిస్తున్నారు. దేశంలోని 34 రాష్ట్రాలు, కేంద్రపాలిత ప్రాంతాల నుంచి సుమారు 1,000 మంది మహిళా పారిశ్రామికవేత్తలు, చేతివృత్తుల కళాకారులు ఇందులో పాల్గొంటున్నారు.వీరిలో స్వయం సహాయక సంఘాల ద్వారా ఉపాధి పొందుతున్న మహిళలు, సంప్రదాయ కళలను కొనసాగిస్తున్న కళాకారులు, ఇంటి వద్దే ఉత్పత్తులు తయారు చేస్తూ ఆదాయం సంపాదిస్తున్న మహిళలు ఉన్నారు. తమ ప్రాంతాల్లో తయారయ్యే ఉత్పత్తులను పెద్ద మార్కెట్‌కు పరిచయం చేసుకోవడం, వినియోగదారుల అభిరుచులను తెలుసుకోవడం, కొత్త వ్యాపార సంబంధాలను ఏర్పరచుకోవడం వీరికి ఈ మేళా ద్వారా సాధ్యమవుతుంది.సరస్ మేళాలో 650కి పైగా స్టాళ్లను ఏర్పాటు చేస్తున్నారు. సంప్రదాయ చేనేత వస్త్రాలు, హస్తకళలు, సేంద్రియ ఉత్పత్తులు, గృహోపకరణాలు, ప్రాంతీయ ప్రత్యేకత కలిగిన వస్తువులు ఇక్కడ అందుబాటులో ఉండనున్నాయి. దేశంలోని వివిధ ప్రాంతాలకు చెందిన మహిళలు తమ ఉత్పత్తులను నేరుగా వినియోగదారులకు పరిచయం చేసే అవకాశం పొందనున్నారు.స్థానికంగా తయారయ్యే వస్తువులకు మార్కెటింగ్ సదుపాయాలు లేకపోవడం, మధ్యవర్తులపై ఆధారపడాల్సి రావడం, సరైన ధర లభించకపోవడం గ్రామీణ మహిళలు ఎదుర్కొంటున్న ప్రధాన సమస్యలు. ఇలాంటి పరిస్థితుల్లో జాతీయ స్థాయి మేళాలు వారికి నేరుగా విక్రయాలు జరిపేందుకు, ఉత్పత్తుల నాణ్యతను ప్రదర్శించేందుకు ఉపయోగపడతాయి. వినియోగదారుల నుంచి వచ్చే స్పందన ఆధారంగా ఉత్పత్తుల్లో మార్పులు చేసుకోవడానికి కూడా వీలుంటుంది.మహిళల ఆర్థిక సాధికారతలో ‘లక్షపతి దీదీ’ కార్యక్రమం కీలకమైనది. స్వయం సహాయక సంఘాలతో అనుసంధానమైన మహిళలు స్థిరమైన జీవనోపాధి ద్వారా సంవత్సరానికి కనీసం లక్ష రూపాయల కుటుంబ ఆదాయాన్ని సాధించే స్థాయికి చేరుకోవడమే ఈ కార్యక్రమం ప్రధాన ఉద్దేశం.ఈ జాతీయ సంకల్పంలో భాగంగా దేశవ్యాప్తంగా ఆరు కోట్ల లక్షపతి దీదీలను సృష్టించాలనే లక్ష్యాన్ని ప్రజలకు వివరించనున్నారు. సరస్ మేళా ప్రారంభ కార్యక్రమంలో ‘లక్షపతి దీదీ సంకలనం’, ‘సారస్ శక్తి అప్లికేషన్’లను ప్రారంభించేందుకు ఏర్పాట్లు చేసినట్లు నిర్వాహకులు వెల్లడించారు.                   మహిళలకు కేవలం ఆర్థిక సహాయం అందించడం మాత్రమే కాకుండా, వారి వ్యాపారాలను అభివృద్ధి చేసుకునే నైపుణ్యాలు, మార్కెట్ పరిజ్ఞానం, స్వతంత్రంగా ఆదాయం సంపాదించే అవకాశాలు కల్పించడం ఈ ప్రయత్నాల్లో ముఖ్యమైన అంశాలు. మహిళల ఆదాయం పెరిగితే కుటుంబాల ఆర్థిక పరిస్థితి మెరుగుపడటంతో పాటు గ్రామీణ ఆర్థిక వ్యవస్థకు కూడా బలం చేకూరుతుంది.ఈ మేళాలో ఉత్పత్తుల విక్రయాలకే పరిమితం కాకుండా మహిళల వ్యాపార నైపుణ్యాలను పెంపొందించేందుకు ప్రత్యేక పెవిలియన్లు ఏర్పాటు చేస్తున్నారు. లక్షపతి దీదీ పెవిలియన్, నాలెడ్జ్ పెవిలియన్, కన్వర్జెన్స్ పెవిలియన్, లైవ్ డెమాన్‌స్ట్రేషన్ పెవిలియన్ ఈ కార్యక్రమంలో ప్రత్యేక ఆకర్షణలుగా నిలవనున్నాయి.కుండల తయారీ, ఎంబ్రాయిడరీ, నేత తదితర సంప్రదాయ చేతివృత్తులకు సంబంధించిన ప్రత్యక్ష ప్రదర్శనలు సందర్శకులను ఆకట్టుకోనున్నాయి. మహిళలు తమ నైపుణ్యాలను ఇతరులకు పరిచయం చేసుకునేందుకు, సంప్రదాయ కళలను భవిష్యత్ తరాలకు అందించేందుకు ఇవి దోహదపడతాయి.అమెజాన్, ఫ్లిప్‌కార్ట్, నాబార్డ్ తదితర సంస్థలకు చెందిన నిపుణుల ద్వారా ప్యాకేజింగ్, బ్రాండింగ్, ఈ-కామర్స్ వంటి అంశాలపై శిక్షణ అందించనున్నారు. ఉత్పత్తులను ఆకర్షణీయంగా ప్యాక్ చేయడం, వాటికి ప్రత్యేక బ్రాండ్ గుర్తింపు తీసుకురావడం, ఆన్‌లైన్ ద్వారా వినియోగదారులకు చేరవేయడం వంటి అంశాలపై అవగాహన పెంపొందించనున్నారు.సరస్ మేళాలో మరో ప్రధాన ఆకర్షణ ఇండియా ఫుడ్ కోర్ట్. 28 రాష్ట్రాలకు చెందిన 200 మందికి పైగా మహిళా చెఫ్‌లు ప్రాంతీయ వంటకాలను ప్రత్యక్షంగా తయారు చేసి సందర్శకులకు అందించనున్నారు. ఆయా ప్రాంతాలకు ప్రత్యేకమైన మసాలాలు, వంట పద్ధతులు, సంప్రదాయ రుచులను ఒకే చోట ఆస్వాదించే అవకాశం కలగనుంది.లిట్టి చోఖా, హైదరాబాదీ దమ్ బిర్యానీ, మక్కే ది రోటీ-సర్సన్ కా సాగ్ వంటి ప్రసిద్ధ వంటకాలు ఈ ఫుడ్ కోర్ట్‌లో ప్రత్యేక ఆకర్షణగా నిలవనున్నాయి. ఆహారం ద్వారా దేశంలోని భిన్న సంస్కృతులను పరిచయం చేయడంతో పాటు, వంట నైపుణ్యాలను జీవనోపాధిగా మార్చుకున్న మహిళలకు కూడా ఈ వేదిక ఉపయోగపడుతుంది.అక్టోబర్ 15న జరిగే ప్రారంభ కార్యక్రమంలో రాష్ట్రపతి ద్రౌపది ముర్ముతో పాటు కేంద్ర మంత్రి శివరాజ్ సింగ్ చౌహాన్, ఆంధ్రప్రదేశ్ ముఖ్యమంత్రి ఎన్. చంద్రబాబు నాయుడు, ఉప ముఖ్యమంత్రి పవన్ కల్యాణ్, రాష్ట్ర గవర్నర్ జస్టిస్ అబ్దుల్ నజీర్ తదితర ప్రముఖులు పాల్గొననున్నట్లు ప్రకటనలో పేర్కొన్నారు.రాష్ట్రపతి మేళాలోని స్టాళ్లను సందర్శించి మహిళా పారిశ్రామికవేత్తలతో మాట్లాడటం, వివిధ రాష్ట్రాలకు చెందిన లక్షపతి దీదీలతో కలిసి భోజనం చేయడం వంటి కార్యక్రమాలు కూడా ప్రతిపాదించారు. దేశంలోని గ్రామీణ ప్రాంతాల్లో మహిళలు ఎదుర్కొంటున్న సమస్యలు, వారు సాధిస్తున్న విజయాలు, వారి ఉత్పత్తులకు మార్కెట్ కల్పించాల్సిన అవసరంపై ఈ కార్యక్రమం దృష్టి సారించనుంది.దేశీయ ఉత్పత్తులను కొనుగోలు చేయడం, స్థానిక కళాకారులను ప్రోత్సహించడం, గ్రామీణ మహిళలు తయారు చేసిన వస్తువులకు మార్కెట్ కల్పించడం ‘వోకల్ ఫర్ లోకల్’, ‘ఆత్మనిర్భర్ భారత్’ లక్ష్యాలకు అనుగుణంగా ఉంటాయి. సరస్ మేళా ద్వారా వినియోగదారులు నేరుగా ఉత్పత్తిదారులను కలుసుకునే అవకాశం లభించనుంది.ఈ తరహా కార్యక్రమాల విజయాన్ని కేవలం సందర్శకుల సంఖ్యతో కాకుండా, మహిళలకు లభించిన వ్యాపార అవకాశాలు, ఉత్పత్తుల విక్రయాలు, ఏర్పడిన మార్కెట్ సంబంధాలు, మేళా అనంతరం కొనసాగిన ఆదాయ మార్గాల ఆధారంగా కూడా అంచనా వేయాల్సి ఉంటుంది. ఆ దిశగా సరస్ మేళా గ్రామీణ మహిళల జీవనోపాధికి దీర్ఘకాలిక ప్రయోజనాలను అందిస్తుందనే ఆశాభావం వ్యక్తమవుతోంది.మొత్తంగా నేషనల్ సరస్ ఆజీవిక మేళా-2026 గ్రామీణ మహిళల ప్రతిభను దేశవ్యాప్తంగా పరిచయం చేసే కీలక వేదికగా నిలవనుంది. సంప్రదాయ కళలు, చేనేత, ఆహార ఉత్పత్తులు, స్వయం సహాయక సంఘాల వ్యాపారాలకు కొత్త అవకాశాలు కల్పించడంతో పాటు మహిళల్లో ఆర్థిక స్వావలంబనను పెంపొందించేందుకు దోహదపడనుంది.దేశంలోని వివిధ ప్రాంతాల మహిళలు తమ ఉత్పత్తులతో విజయవాడకు చేరుకోవడం, కృష్ణా నదీ తీరంలో విభిన్న సంస్కృతులు ఒకే వేదికపై కలుసుకోవడం ఈ మేళాకు ప్రత్యేకతను తీసుకొస్తున్నాయి. స్థానిక ఉత్పత్తులకు ప్రోత్సాహం లభించి, మహిళా పారిశ్రామికవేత్తలకు స్థిరమైన మార్కెట్ అవకాశాలు ఏర్పడితే ఈ కార్యక్రమం గ్రామీణాభివృద్ధిలో మరింత విస్తృతమైన ప్రభావాన్ని చూపే అవకాశం ఉంది.

CHANDRA RAO · 2 వారాల క్రితం · Andhra Pradesh, Nellore

దేవాలయాలు

‌ చింతలూరు శ్రీ నూకాంబిక అమ్మవారి ఆలయంలో వైభవంగా చండీ హోమం.

ఆలమూరు: ఆలమూరు మండలం చింతలూరులో కొలువై ఉన్న శ్రీ నూకాంబిక అమ్మవారి దేవస్థానంలో శనివారం చండీ హోమం పూజా కార్యక్రమాన్ని భక్తిశ్రద్ధలతో, అత్యంత వైభవంగా నిర్వహించారు. అమ్మవారి అనుగ్రహం ప్రజలందరిపై ఉండాలని, ప్రతి ఒక్కరూ సుఖసంతోషాలతో, ఆయురారోగ్యాలతో, అష్టైశ్వర్యాలతో వర్ధిల్లాలని ఆకాంక్షిస్తూ ఈ పవిత్ర హోమాన్ని నిర్వహించారు.ఈ సందర్భంగా అమ్మవారికి ప్రత్యేక పూజలు నిర్వహించి, లోకకల్యాణం కోసం ప్రార్థనలు చేశారు.అమ్మవారి దివ్య ఆశీస్సులతో ప్రజల జీవితాల్లో సుఖశాంతులు వెల్లివిరియాలని, సమాజం సుభిక్షంగా ఉండాలని ప్రార్థిస్తూ పూజా కార్యక్రమాన్ని భక్తిపూర్వక వాతావరణంలో నిర్వహించారు. చండీ హోమం ద్వారా అమ్మవారి కృపాకటాక్షాలు ప్రజలందరిపై ప్రసరించాలని, అందరికీ మేలు జరగాలని ఆకాంక్షించినట్లు ఆలయ కార్యనిర్వహణాధికారి ఉండవల్లి వీర్రాజు చౌదరి తెలిపారు. ఈ కార్యక్రమంలో చైర్మన్ వీరి అప్పారావు గౌడ్, ధర్మకర్తల మండలి సభ్యులు, అమ్మవారి భక్తులు, మహిళలు,గ్రామస్తులు అధిక సంఖ్యలో పాల్గొన్నారు.

GANTA MADHU · 3 వారాల క్రితం · Andhra Pradesh, Kakinada

దేవాలయాలు

అప్పన్న కొండపై వైభవంగా దేవస్థానం ధర్మకర్మల మండలి ప్రమాణస్వీకారం

​సింహాచలం, 21 మే 2026:శ్రీ వరాహ లక్ష్మీనరసింహ స్వామి దేవస్థానం నూతన ధర్మకర్మల మండలి (ట్రస్ట్ బోర్డ్) ప్రమాణస్వీకార మహోత్సవం గురువారం కొండపైన అత్యంత వైభవంగా జరిగింది. ఆలయ కార్యనిర్వహణాధికారి (ఈవో) జల్లేపల్లి వెంకట్రావు నూతన సభ్యులచే శాస్త్రోక్తంగా ప్రమాణస్వీకారం చేయించారు.​ఈ కార్యక్రమంలో భీమిలి నియోజకవర్గం శాసనసభ్యులు గంటా శ్రీనివాసరావు, పెందుర్తి నియోజకవర్గం శాసనసభ్యులు పంచకర్ల రమేష్ బాబు, ఎస్.కోట ఎమ్మెల్యే కోళ్ల లలిత కుమారి, మాడుగుల శాసనసభ్యులు బండారు సత్యనారాయణ మరియు నరసాపురం జిల్లా గ్రంథాలయ చైర్మన్ ఆర్. కోటేశ్వరరావు ముఖ్య అతిథులుగా పాల్గొన్నారు. దేవస్థానం వంశపారంపర్య ధర్మకర్త, ట్రస్ట్ బోర్డ్ చైర్మన్ పూసపాటి అశోక్ గజపతిరాజు ఈ కార్యక్రమానికి వర్చువల్ (ఆన్‌లైన్) ద్వారా హాజరై, నూతన సభ్యులను ఉద్దేశించి ప్రసంగించారు. ఆలయ అభివృద్ధికి, భక్తుల సౌకర్యార్థం బోర్డు సభ్యులందరూ సమన్వయంతో పనిచేయాలని ఆయన పిలుపునిచ్చారు.​ప్రమాణస్వీకారం చేసిన ధర్మకర్మల మండలి సభ్యులు:​ పూసపాటి అశోక్ గజపతిరాజు (వంశపారంపర్య ధర్మకర్త మరియు చైర్మన్)​మాకేన సీతారాం పాత్రుడు (నవీన్)కాసిరెడ్డి దామోదర్​చలమూరి భారతికారక దేవుడు​ కనకాల మురళీమోహన్ వెంపడాపు అన్నపూర్ణ​బీతాల నీరజ లక్ష్మీ కుమారి​మధుపద సన్యాసి రావు​ డాక్టర్ ధరణి బండ్ల​ నీతిపల్లి మహేష్​పెద్దిశెట్టి ఉష శ్రీ​లలిత జ్యోతి​గుత్తికొండ శ్రీలత​సుసరపు గణపతి రావు​చల్లాంగి జ్ఞానేశ్వరి​పావులూరి శ్రీనివాస రావు​ఎక్స్ అఫిషియో సభ్యులు:​గూడవర్తి శ్రీనివాస ఆచార్యులు (ఆలయ ప్రధాన అర్చకులు)​ప్రత్యేక ఆహ్వానితులు: బొక్కం స్వామి నాయుడు​ వేదుల దక్షిణామూర్తి​నూతనంగా బాధ్యతలు స్వీకరించిన సభ్యులకు ఆలయ అర్చకులు వేద ఆశీర్వచనాలు అందించి స్వామివారి శేషవస్త్రాన్ని, ప్రసాదాలను బహూకరించారు. ఈ కార్యక్రమంలో స్పెషల్ డిప్యూటీ కలెక్టర్ మధులత, డిప్యూటీ ఎగ్జిక్యూటివ్ ఆఫీసర్ సింగం రాధ, ఆలయ సహాయ కార్యనిర్వహణాధికారులు, పర్యవేక్షణ అధికారులు, ఇతర సిబ్బందితో పాటు పెద్ద సంఖ్యలో అధికారులు, సభ్యుల కుటుంబ సభ్యులు మరియు అభిమానులు పాల్గొన్నారు

RAJA BABU · 5 నెలల క్రితం · Andhra Pradesh, Visakhapatnam

దేవాలయాలు

వైభవంగా శ్రీ శ్రీ శ్రీ జగన్నాథ స్వామి వారి దేవస్థానం ధర్మకర్తల మండలి పదవి ప్రమాణ స్వీకారం!

ఓల్డ్ టౌన్ : ఆంధ్ర ప్రదేశ్ ప్రభుత్వం దేవాదాయ ధర్మాదాయ శాఖ మరియు ఆంధ్ర ప్రదేశ్ ధార్మిక పరిషత్ వారి ఉత్తర్వులు అనుసరించి విశాఖపట్నం టౌన్ కొత్త రోడ్ లో వేంచేసియున్న శ్రీ జగన్నాథ స్వామి వారి దేవస్థానం నూతన ధర్మకర్తల మండలిని విశాఖ దక్షిణ నియోజకవర్గ శాసనసభ్యులు సి హెచ్ వంశీ కృష్ణ శ్రీనివాస్ మరియూ ఎన్టీఆర్ వైద్య సేవా ట్రస్ట్ చైర్మన్సీతంరాజు సుధాకర్ ఆధ్వర్యంలో ధర్మ కర్తల మండలి సభ్యులచే పదవి ప్రమాణ స్వీకారం చేయించారు. ధర్మ కర్తల మండలి సభ్యులుగా సురాడ రాజ్ కుమార్, బుదిరెడ్ల సత్యనారాయణ, రాయ రాము, ఉప్పలపు ఆదిలక్ష్మి, సరిపల్లి జ్యోతి, పుక్కల కళ్యాణి, మానేపల్లి రమణి, నాగమల్లి భాస్కర రావు, బోనగిరి విజయదుర్గ, మంత రాజశేఖర్, మంత్రి శాలివాహన్ మరియు ఎక్స్- అఫిషియో సభ్యునిగా ఆలయ ప్రధాన అర్చకులు పాణంగిపల్లి జగన్నాథ ఆచార్యులు ప్రమాణ స్వీకారం చేశారు. ధర్మకర్తల మండలి చైర్మన్ గా సురాడరాజ్ కుమార్ ని పై సభ్యులందరూ ఏకగ్రీవంగా ఎన్నుకున్నారు. ఈ సందర్భంగా ఎమ్మెల్యే సభ్యులందరినీ అభినందిస్తూ సనాతన ధర్మాన్ని పరిరక్షిస్తూ దేవాలయ అభివృద్ధికి తోడ్పడుతూ ఆలయ పరిరక్షణకై శ్రమిస్తూ భక్తుల మన్నలను పొందెలాగ కూటమి ప్రభుత్వమునకు, దేవాలయానికి మంచి పేరు ప్రతిష్ఠలు తీస్కొనిరావాలని ఆకాంక్షిస్తూ శుభాభినందనలు తెలియచేశారు. ఈ కార్యక్రమంలో శివ ప్రసాద్ రెడ్డి, శ్కందులనాగరాజు, మాసిపోగురాజు, కోరుకొండ ప్రసాద్ కేదారి లక్ష్మి , మజ్జి త్రినాథ్, గోడి నరసింహచారి, ఓదూరు శివయ్య మరియు ఇతర రాజకీయ ప్రముఖులు, ధర్మకర్తల మండలి వారి బంధువులు, మిత్రులు సమక్షమున ప్రమాణ స్వీకారం దిగ్విజయంగా జరిగింది. పాల్గొన్న అందరికీ ప్రసాదం, మజ్జిగ, అందచేయగా దేవస్థానం ఏర్పాట్లు పై అందరూ హర్షం వ్యక్తంచేశారు.

PRASAD · 5 నెలల క్రితం · Andhra Pradesh, Visakhapatnam

దేవాలయాలు

శ్రీవారి దర్శనానికి భారీగా పెరిగిన భక్తులు

తిరుమల: శ్రీవారి దర్శనానికి భక్తులు పోటెత్తారు. వేసవి సెలవుల నేపథ్యంలో రద్దీ పెరిగింది. దీంతో భక్తులు వైకుంఠం క్యూ కాంప్లెక్స్-2, నారాయణగిరి షెడ్‌లు నిండిపోయి రింగ్ రోడ్‌లోని గోగర్భం డ్యాం వరకు వేచి ఉన్నారు. దాదాపు 3 కిలోమీటర్లు క్యూలైన్‌లో బారులు తీరారు. ఇంటిగ్రేటెడ్ కమాండ్ కంట్రోల్ సెంటర్ ద్వారా ఎప్పటికప్పుడు వైకుంఠం క్యూ కాంప్లెక్స్, నారాయణగిరి షెడ్లు, అన్నప్రసాద కేంద్రాలు, ప్రధాన రహదారులు, పార్కింగ్ ప్రాంతాలు, ఆలయ పరిసరాల్లో నెలకొన్న పరిస్థితిని ఎప్పటికప్పుడు అధికారులు అంచనా వేసి.. అందుకు అనుగుణంగా నిర్ణయాలు తీసుకుంటున్నారు. దీంతో భక్తులకు ఎటువంటి ఇబ్బందులు లేకుండా శ్రీవారి దర్శనం వేగంగా చేయిస్తున్నారు. క్యూలైన్‌లో భక్తులకు తాగు నీరు, పాలు, అన్న ప్రసాదాలు.. శ్రీవారి సేవకుల సాయంతో అందిస్తున్నారు.

MOHAN KUMAR · 5 నెలల క్రితం · Andhra Pradesh, Chittoor

దేవాలయాలు

శ్రీశ్రీశ్రీ శ్యామలాంబ అమ్మవారి పండుగ మహోత్సవం

లలితానగర్  : విశాఖపట్నం,లలితానగర్ లో వేంచేసివున్నా శ్రీశ్రీశ్రీ శ్యామలాంబ అమ్మవారి పండుగ మహోత్సవం ఈ నెల ఐదొవ తేదీ నుండి ఘనంగా నిర్వహిస్తున్నారు.అమ్మవారిని తిలకించేందుకు భక్తులు తరలివస్తున్నారు.బుధవారం  వైశాఖ మాస బహుళ ఏకాదశి తొలేలు పండుగ - ఉదయం 05-00 గంటల నుండి అమ్మవారికి ప్రత్యేకంగా జలాభిషేకములు, పాలాభిషేకములు నిర్వహించనున్నారు.15-05-2026  న  వైశాఖ మాస బహుళ ద్వాదశి గురువారం పరస కార్యక్రమము - ఉదయం 05-00 గంటల నుండి అమ్మవారికి ప్రత్యేక అభిషేకములు, పసుపు కుంకుమలతో అభిషేకములు జరుగును. సాయంత్రం 5-00 గంటల నుండి అమ్మవారి “పల్లకీ” ఊరేగింపు మరియు అమ్మవారి "సారె" ఊరేగింపు మరియు "పరస" వినోద కార్యక్రమములు జరుగును 05-2026: వైశాఖ మాస బహుళ త్రయోదశి శుక్రవారం అనుపు కార్యక్రమము - ఉదయం 05-00 గంటల నుండి అమ్మవారికి ప్రత్యేకమైన జలాభిషేకములు, పంచామృత అభిషేకములు, పాలు, గంధం, కుంకుమలతో ప్రత్యేకంగా అభిషేకమలు జరుగును. సాయంత్రం 5-00 గంటల నుండి సదనపట్టు నుండి అమ్మవారి తిరువీధి ఊరేగింపుతో అనుపు కార్యక్రమము జరుగును, మేళతాళములు, పులివేషములు, దేవి డ్యాన్సులు, దాసులు, తప్పెటగుళ్ళు, సన్నాయి మేళం, కనులు మిరుమిట్లు గొలిపే లైటింగ్ లతో కడువైభవంగా జరుగును 22-05-2026 అధిక జ్యేష్ఠ మాస శుద్ధ సప్తమి శుక్రవారం మారువారం పండుగ - ఉదయం 06-00 గం॥ నుండి అమ్మవారి దర్శనము, జలాభిషేకము, ప్రత్యేక అభిషేకములు, పసుపు కుంకమ అభిషేకములు జరుగును. సాయంత్రం 6-00 గంటల నుండి మారువారం పండుగు జరుపబడును..చివరిగా  25-05-2026: అధిక జ్యేష్ఠ మాస శుద్ద నవమి సోమవారం నాడు మహా అన్నదాన కార్యక్రమము జరుగను. కావున అమ్మవారి తీర్థప్రసాదములు స్వీకరించి అమ్మవారి కరుణాకటాక్షాములు భక్తులు పొందాలని ఆలయ కమిటీ తెలిపింది.

PRASAD · 6 నెలల క్రితం · Andhra Pradesh, Visakhapatnam