వార్తలు

103 వ వార్డులో గుర్రం శ్రీను గెలుపే లక్ష్యం

--------- మాజీ మంత్రి అమర్నాథ్ ని  మర్యాదపూర్వకంగా  కలిసిన గల్లా శివాజీ గాజువాక :  విశాఖ  జివిఎంసి 103వ వార్డు వైఎస్ఆర్సీపీ స్టూడెంట్ యూనియన్ వైస్ ప్రెసిడెంట్ గల్లా శివాజీ మాజీ ఐటీ మంత్రి, వైఎస్ఆర్సీపీ సీనియర్ నేత గుడివాడ అమర్నాథ్ ని మర్యాదపూర్వకంగా కలిశారు.ఈ సందర్భంగా గల్లా శివాజీ మాట్లాడుతూ 103వ వార్డు కార్పొరేటర్ అభ్యర్థి గుర్రం శ్రీనుని గెలిపించుకునే బాధ్యత మాది. దీనికి మీరు మరింత సపోర్ట్ చేయాలని, రానున్న రోజుల్లో వైఎస్ఆర్సీపీ పార్టీని బలపరచడానికి మీ వంతు సపోర్ట్ చేయాలని శివాజీ  అమర్నాథ్ ని కోరడం జరిగింది.అలాగే వార్డులోని యువత, విద్యార్థుల సమస్యలపై చర్చించి, పార్టీ బలోపేతానికి తీసుకోవాల్సిన చర్యలపై మాట్లాడారు.దీనిపై గుడివాడ అమర్నాథ్ గారు సానుకూలంగా స్పందిస్తూ, యువ నాయకులే పార్టీకి భవిష్యత్తు అని, గుర్రం శ్రీను గెలుపు కోసం పార్టీ అండగా ఉంటుందని హామీ ఇచ్చారని తెలిపారు.

SIVAJI· 5 రోజుల క్రితం

వార్తలు

--అల్లుని పార్తీలోకి తిరిగి తీసుకోవడంతో గాజువాకలో సంబరాలు

( న్యూస్ వన్ బ్యూరో )విశాఖ బీసీవై పార్టీలో అంతర్గత కుమ్ములాటలు నేపథ్యంలో బీసీవై పార్టీ రాష్ట్ర ఎగ్జిక్యూటివ్ కమిటీ సభ్యులు అల్లు రమణారావు యాదవ్ ను ఈ నెల అక్టోబర్ 17న కుట్ర పూర్వకంగా సస్పెండ్ చేసారని ఆయన "న్యూస్ వన్" ను ఆశ్రయించారు.ఈ నేపథ్యంలో విశాఖ బీసీవై పార్టీలో జరుగుతున్నా కుమ్ములాటలు పై ఈ నెల 22 న నన్ను ఎవడురా సస్పెండ్ చేసేది అనే శీర్షికను "న్యూస్ వన్"లో ప్రచురణచడం జరిగింది.ఈ కధనం పై బీసీవై పార్టీ వ్యవస్థాపక అధ్యక్షులు బోడె రామచంద్ర యాదవ్ గురువారం స్పందినచారు.విశాఖ బీసీవై పార్టీలో జరుగుతున్నా కుమ్ములాటలు పై అయన ఆరా తీశారు.అల్లు రమణారావు సస్పెండ్ తన దృష్టికి రాలేదని ఎవరో చేసారో తనిఖీ తెలియదని,దీనిపై సమగ్ర విచారణ జరుపుతానని ఆయన వెల్లడించారు.అల్లు రమణ యాదవ్ పై సస్పెన్షన్ ఎత్తి వేయడంతో పాటు ఆయనకు యధావిధిగా కొనసాగించాలని జాతీయ అధ్యక్షులు రామచంద్ర యాదవ్ ఆదేశించడం జరిగినదని చాలా గొప్ప విషయం. ఆనందపడ వలసిన విషయంని, నిజమైన కార్యకర్తలకు న్యాయం జరిగేల మన ఆర్సివై చూస్తారని చెప్పడానికి ఇదో ఒక నిదర్శనంగా చెప్పొచ్చు జూపల్లి రాములు యాదవ్ "న్యూస్ వన్" తో అన్నారు.ఈ సందర్భంగా శుక్రవారం ఉదయం జూపల్లి రాములు యాదవ్ "న్యూస్ వన్" ప్రతినిధితో మాట్లాడుతూ అన్యాయంగా అక్రమార్గంలో తనని తొలగించారని అన్నారు.కార్యకర్తలకు తాను ఎప్పుడు అండగా ఉంటానని బోడె రామచంద్ర యాదవ్ మరోసారి కార్యకర్తలకు భరోసా ఇచ్చారని అన్నారు.జూపల్లి రాములు యాదవ్ ను తిరిగి పార్టీలోకి తీసుకోవడంతో బీసీవై పార్టీ గాజువాక నియోజకవర్గం కార్యాలయం వంటిల్లు జంక్షన్ నందు గాజువాక నియోజకవర్గం కో కన్వీనర్ మరియు 87 వార్డు కార్పొరేటర్ అభ్యర్థి పల్లా వెంకట అప్పారావు ఆధ్వర్యంలో సంబరాలు చేసుకున్నారు.అనంతరం అల్లు చేత కేక్ కట్ చేయించారు.ఈ సందర్భంగా పల్లా వెంకట అప్పారావు మాట్లాడుతూ బీసీవై పార్టీ రాష్ట్ర ఎగ్జిక్యూటివ్ కమిటీ సభ్యులు అల్లు రమణారావు యాదవ్ అక్టోబర్ 17వ తేదీన కుట్ర పూర్వకంగా సస్పెండ్ చేయడం జరిగిందిని అన్నారు.పార్టీ కోసం నిర్మాణం కోసం అభివృద్ధి కోసం విశాఖపట్నం జిల్లాతో పాటు అనకాపల్లి జిల్లా మరియు పార్వతిపురం జిల్లా పార్టీ అభివృద్ధి చేయడంలో ఆయన యొక్క కృషి మరువలేనిది ఉత్తరాంధ్రలోనే పార్టీ అభివృద్ధికి ఆయన కృషి ఉన్నదన్నది గుర్తించవలసిందే ఆంధ్రప్రదేశ్ లోనే బీసీవై పార్టీ అభివృద్ధిలో విశాఖపట్నం జిల్లాను ముందంజలో ఉంచిన వ్యక్తి అటువంటి వ్యక్తిని సస్పెండ్ చేయడం పార్టీకి మంచిది కాదని ఆయన సస్పెన్స్ ని ఎత్తకపోతే కార్పొరేటర్ గా పోటీ చేసిన వారందరము పార్టీకి దూరమవుతావని గ్రేటర్ స్థానిక సంస్థల ఎన్నికల్లో కార్పొరేట్ అభ్యర్థుల అందరము ఆయనకు మద్దతుగా కేంద్ర కమిటీకి తెలియజేయడం జరిగింది మా యొక్క విన్నపమును మన్నించి పార్టీ వ్యవస్థాపక అధ్యక్షులు శ్రీ బోడె రామచంద్ర యాదవ్ పార్టీలో జరుగుతున్న తప్పుడు నిర్ణయాలను అందుకు బాధ్యులను చర్యలు తీసుకొని తిరిగి క్రమశిక్షణతో పార్టీని నడిపిస్తూ మాకందరికీ ఆదర్శంగా నిలుస్తున్న శ్రీ అల్లు రమణారావు యాదవ్ను యధావిధిగా కొనసాగిస్తూ ఆయన యొక్క సస్పెన్షన్ అక్టోబర్ 22వ తారీఖున ఎత్తివేస్తున్నట్లు ప్రకటన జారీ చేయడం హర్షదాయకం అన్నారు. అందుకు అభినందనలుగా పార్టీ అభివృద్ధి చెందడం కోసం ఆయన యొక్క గౌరవాన్ని పెంచాలని ఆయన యొక్క కృషిని గుర్తు చేస్తూ చిరు సత్కారం పూలమాలతో అభినందిస్తూ కేక్ కట్ చేస్తూ కృతజ్ఞతలు తెలపడం జరిగినదని అన్నారు. ఆ యొక్క కార్యక్రమంలో 93 వ వార్డు కార్పొరేట్ అభ్యర్థి శ్రీ పాలశెట్టి మలక్ష్మి నాయుడు 98 వ వార్డు కార్పొరేటర్ అభ్యర్థి కానూరు వెంకట సత్యనారాయణ 88 వ వార్డు కార్పొరేటర్ అభ్యర్థి కోమటి ప్రసాద్ 106 వార్డ్ కార్పొరేటర్ అభ్యర్థి కాసారపు వెంకటలక్ష్మి 82 వ వార్డు కార్పొరేటర్ అభ్యర్థి సాగి జగదీశ్వరి 78 వ వార్డు కార్పొరేటర్ అభ్యర్థి సర్వసిద్ధి జగదీశ్వరి 76 వ వార్డు కార్పొరేటర్ అభ్యర్థి అక్కడ రమణ ఈ యొక్క కార్యక్రమం ఉద్దేశించి అల్లు రమణారావు మాట్లాడుతూ పార్టీ అభివృద్ధి కోసం నిరంతరం శ్రమిస్తే పార్టీ మిమ్మల్ని గుర్తిస్తాది మీకు ఎటువంటి రక్షణకైనా పార్టీ ముందు ఉంటదని కష్టపడే వాళ్ళకి పార్టీలో సముషిత స్థానం కల్పించడంలో పార్టీ ముందుంటాది అందుకు ఉదాహరణ నేనే కాబట్టి పార్టీ కార్యకర్తలు అభిమానులు పార్టీ అభివృద్ధి కోసం కృషి చేస్తూ పార్టీ అభ్యర్థులు మేయర్ అండ్ కార్పొరేటర్లు టార్చ్ లైట్ గుర్తుపై పోటీ చేయుచున్నారు కనుక ఆ గుర్తుపై ఓటు వేసేటట్లు మనమందరము గ్రామాల వారీగా పర్యటించి ప్రజలను చైతన్యవంతులు చేస్తూ ఓటును నోటుతో అమ్ముకోకుండా ప్రశ్నించే వాళ్లకి మీరు ఓటు వేయండి వాడవాడలా ప్రచారం చేస్తున్నట్లు తేలిపారు .

BUJJI · 5 రోజుల క్రితం · Andhra Pradesh, Visakhapatnam

వార్తలు

జిల్లా కలెక్టర్ పేరుతో నకిలీ వాట్సాప్ ఖాతా

---- అధికారులు, జిల్లా ప్రజలు అప్రమత్తంగా ఉండాలి: కలెక్టర్ పేషీ హెచ్చరికవిశాఖపట్నం, అక్టోబర్ 23: విశాఖపట్టణం జిల్లా కలెక్టర్ ఎం. అభిషిక్త్ కిషోర్ పేరు, గుర్తింపుతో గుర్తుతెలియని వ్యక్తి నకిలీ వాట్సాప్ ఖాతాను సృష్టించి, పలువురికి సందేశాలు పంపిస్తూ డబ్బులు కోరుతున్నట్లు కలెక్టర్ పేషీ దృష్టికి వచ్చింది. ఈ నేపథ్యంలో జిల్లా అధికారులు, ప్రభుత్వ ఉద్యోగులు, సిబ్బంది, జిల్లా ప్రజలు అప్రమత్తంగా ఉండాలని కలెక్టర్ పేషీ ఒక ప్రకటనలో హెచ్చరించింది. కలెక్టర్ పేరుతో డబ్బులు కోరుతూ వచ్చే అనుమానాస్పద వాట్సాప్ సందేశాలకు ఎట్టి పరిస్థితుల్లోనూ స్పందించవద్దని, వ్యక్తిగత వివరాలు, బ్యాంకు ఖాతా సమాచారం, ఓటీపీ వంటి సున్నితమైన సమాచారాన్ని ఎవరికీ వెల్లడించవద్దని, ఎట్టి పరిస్థితుల్లోనూ డబ్బులు బదిలీ చేయవద్దని స్పష్టం చేసింది. ప్రతి ఒక్కరూ అప్రమత్తంగా ఉండేలా చూడాలని కలెక్టర్ పేషీ కోరింది.

PRASAD · 5 రోజుల క్రితం · Andhra Pradesh, Visakhapatnam

వార్తలు

అరవింద యూనిట్ 5...ప్రమాదంపై సమగ్ర విచారణ చేయాలి

-----ఫార్మసిటీ స్టాప్ ఎండ్ వర్కర్స్ యూనియన్పరవాడ :  ఫార్మసిటీలో అరవింద యూనిట్ 5లో జరిగిన ప్రమాదంపై సమగ్ర విచారణ చేయాలని ఫార్మసిటీ స్టాప్ ఎండ్ వర్కర్స్ యూనియన్ అధ్యక్షులు గని శెట్టి సత్యనారాయణ డిమాండ్ చేశారు. శుక్రవారం ఐదున్నర గంటలకు జరిగిన ఈ ప్రమాదంపై ఇన్స్పెక్టర్ ఫ్యాక్టరీ, పొల్యూషన్ కంట్రోల్ బోర్డ్, దర్యాప్తు చేపట్టాలని డిమాండ్ చేశారు.ఐ సో ప్రొఫైల్ ఆల్కహాల్ బ్యాచ్ బ్యాచ్ కి మధ్య క్లీన్ చేస్తున్న సందర్భంలో ఫైర్ జరిగిందని బి.పి కి ,షుగర్ కి మందులు తయారీ, మెట్ ఫర్ మెన్ మందులు తయారీ విభాగంలో జరిగింది. ప్రొడక్షన్ బ్లాక్ ఎక్స్టెన్షన్ ఏరియా తెల్లవారు అయిదున్నర ప్రాంతంలో ఈ ప్రమాదం జరిగింది. ఫైర్ సిబ్బంది మంటలు అదుపు చేయడానికి లేకుండా దగ్గరగా నిర్మాణం జరిగినట్లు ఉంది. రాత్రి సి షిఫ్ట్ లో ఉన్న కార్మికుల లిస్ట్ బయట పెట్టాలని గని శెట్టి డిమాండ్ చేశారు. భద్రతా వైఫల్యం వల్లే ఈ ప్రమాదం జరిగిందని గని శెట్టి అన్నారు. ప్రమాదం పై సమగ్ర విచారణతో పాటు భవిష్యత్తులో ఎలాంటి ప్రమాదాలు జరగకుండా భద్రత ఆడిట్ నిర్వహించాలని గనిశెట్టి డిమాండ్ చేశారు. కార్మికులు క్షణక్షణం భయాందోళనలో అరిచేతిలో ప్రాణాలు పెట్టుకుని ఫార్మా పరిశ్రమలో విధులు నిర్వహిస్తున్నారని అన్నారు. ఈ ప్రమాదంపై జిల్లా కలెక్టర్లకు ఫిర్యాదు చేస్తున్నట్లు గని శెట్టి తెలిపారు.

NAGA RAJU · 5 రోజుల క్రితం · Andhra Pradesh, Visakhapatnam

వార్తలు

*నర్సీపట్నం మరియు ఎలమంచిలి మున్సిపాలిటీలలో ఎన్నికలు నిర్వహించేందుకు ఏర్పాట్లు పూర్తి

----జిల్లా కలెక్టర్ విజయ కృష్ణన్**అనకాపల్లి అక్టోబర్ 23: అనకాపల్లి జిల్లాలోని ఎలమంచిలి మున్సిపాలిటీ మరియు నర్సీపట్నం మున్సిపాలిటీ ఎన్నికలు మొదట ఈ నెల 28వ తేదీన జరగాల్సి ఉండగా, ఆంధ్రప్రదేశ్ రాష్ట్ర ఎన్నికల కమిషన్ (AP State Election Commission) ఉత్తర్వుల ప్రకారం ఆ ఎన్నికలను వాయిదా వేయడం జరిగిందని జిల్లా కలెక్టర్ మరియు జిల్లా ఎన్నికల అధికారి విజయ కృష్ణన్ ఒక ప్రకటనలో తెలిపారు.సవరించిన షెడ్యూల్ ప్రకారం, పోలింగ్ ప్రక్రియ నవంబర్ 1వ తేదీన నిర్వహించబడుతుందని, అవసరమైతే రీపోలింగ్ నవంబర్ రెండవ తేదీన నిర్వహిస్తామని,  ఓట్ల లెక్కింపు (కౌంటింగ్) ప్రక్రియ నవంబర్ 3వ తేదీన జరుగుతుందని జిల్లా కలెక్టర్ తెలిపారు.జారీ:  డివిజనల్ పౌర సంబంధాల అధికారి, అనకాపల్లి

JAGAN · 5 రోజుల క్రితం · Andhra Pradesh, Visakhapatnam

వార్తలు

ఎన్నికల ఏర్పాట్లలో లోపాలు లేకుండా పటిష్ట చర్యలు చేపట్టండి .

- భీమిలి జోన్ లో పోలింగ్ కేంద్రాలు, స్ట్రాంగ్ రూమ్‌లు, డిస్ట్రిబ్యూషన్ సెంటర్లను  పరిశీలించిన జీవీఎంసీ కమిషనర్ , అదనపు ఎన్నికల అధికారి కేతన్ గార్గ్.విశాఖపట్నం, అక్టోబర్ 23: మహా విశాఖపట్నం నగరపాలక సంస్థ రెండవ సాధారణ ఎన్నికలను ప్రశాంతంగా నిర్వహించేందుకు అధికారులు తగిన చర్యలు తీసుకోవాలని జీవీఎంసీ కమిషనర్, అదనపు ఎన్నికల అధికారి కేతన్ గార్గ్ అధికారులను ఆదేశించారు. శుక్రవారం ఆయన జీవీఎంసీ అదనపు కమిషనర్ పిఎం. సత్యవేణితో కలిసి భీమిలి జోన్ పరిధిలోని పోలింగ్ కేంద్రాలు, స్ట్రాంగ్ రూమ్‌లు, డిస్ట్రిబ్యూషన్ సెంటర్ ను సందర్శించి, సంబంధిత అధికారులకు పలు సూచనలు చేశారు.భీమిలి జోన్ పరిధిలోని ఐదు వార్డులకు సంబంధించి చేపట్టిన ఎన్నికల ఏర్పాట్లను కమిషనర్ పరిశీలించారు. సెయింట్ ఆన్స్ ఇంగ్లీష్ మీడియం పాఠశాల ఆవరణలో ఏర్పాటు చేసిన డిస్ట్రిబ్యూషన్ సెంటర్, స్ట్రాంగ్ రూమ్‌లు, అదే పాఠశాలలో ఏర్పాటు చేసిన పోలింగ్ కేంద్రాలను సందర్శించి, ఎన్నికల నిర్వహణకు సంబంధించిన ఏర్పాట్లను సమీక్షించారు. ఎన్నికల సామగ్రి పంపిణీ, భద్రపరచడం, పోలింగ్ సిబ్బంది విధుల నిర్వహణకు అవసరమైన ఏర్పాట్లలో ఎలాంటి లోపాలు లేకుండా చూడాలని అధికారులను ఆదేశించారు. భీమిలి జోన్ పరిధిలోని ఐదు వార్డులకు సంబంధించి మొత్తం 78 పోలింగ్ కేంద్రాలను ఏర్పాటు చేసినట్లు తెలిపారు. ఎన్నికల విధుల నిర్వహణ కోసం ఇద్దరు రిటర్నింగ్ అధికారులు, 84 మంది పోలింగ్ అధికారులు (పీఓలు), 84 మంది సహాయ పోలింగ్ అధికారులు (ఏపీఓలు), 263 మంది ఇతర పోలింగ్ సిబ్బందిని (ఓ పి ఓలు) నియమించినట్లు ఆయన తెలిపారు. ఎన్నికల విధులు పట్ల నిర్లక్ష్యంగా ఉన్న రిటర్నింగ్ అధికారి వి.సతీష్ రాజుకు షౌకాజ్ నోటీస్ ఇవ్వాలని అతని ప్రవర్తనలో ఎటువంటి మార్పు రానట్లయితే సస్పెండ్ చేసేందుకు వెనుకాడమని హెచ్చరించారు. రిటర్నింగ్ అధికారులు, రూట్ ఆఫీసర్లు, సెక్టార్ ఆఫీసర్లు, పోలీసులు పరస్పర అవగాహనతో విధులు నిర్వహించాలన్నారు. ఆర్వోలు నియమావళి పుస్తకాన్ని పూర్తిగా అవగాహన చేసుకుని విధుల నిర్వహణ లోపల లేకుండా పటిష్ట చర్యలు చేపట్టాలని  ఆదేశించారు. ఎన్నికల సామాగ్రి డిస్ట్రిబ్యూషన్ సెంటర్లో హెల్ప్ డెస్క్, రిజిస్ట్రేషన్, పోలింగ్ ఆఫీసర్ల కౌంటర్లు, మైక్రో అబ్జర్వర్, వీడియో గ్రాఫర్ కౌంటర్లు, మైక్ అనౌన్స్మెంట్ వ్యవస్థను, ఫుడ్ కౌంటర్లను , పోలీస్ కౌంటర్లను ఏర్పాటు చేసి లోపాలు లేకుండా నిర్ణీత కాలంలో ఎన్నికల సామాగ్రి సరఫరా చేసే చర్యలు చేపట్టాలని జోనల్ కమిషనర్ విజయ్ కుమార్ కు కమిషనర్ ఆదేశించారు.అనంతరం తగరపువలస బంగ్లామెట్ట ప్రాంతంలోని జీవీఎంసీ ప్రాథమిక పాఠశాలలో ఏర్పాటు చేసిన పోలింగ్ కేంద్రాన్ని పరిశీలించారు. ఓటర్లు తమ ఓటు హక్కును సులభంగా వినియోగించుకునేలా తగిన ఏర్పాట్లు చేయాలని, పోలింగ్ కేంద్రాల్లో ఎలాంటి అసౌకర్యాలు కలగకుండా చూడాలని అధికారులకు సూచించారు. ఓటర్లకు అవసరమైన మౌలిక సదుపాయాలు కల్పించడంతో పాటు, ఎన్నికల నిబంధనలకు అనుగుణంగా అన్ని ఏర్పాట్లు పూర్తి చేయాలని స్పష్టం చేశారు. ఈ సందర్భంగా ఇంటింటికీ ఓటరు స్లిప్పుల పంపిణీ జరుగుతున్న తీరుపై బూత్ లెవెల్ అధికారులను అడిగి తెలుసుకొని పలు సూచనలు చేశారు. అర్హులైన ఓటర్లందరికీ సకాలంలో ఓటరు స్లిప్పులు అందేలా చర్యలు తీసుకోవాలని సూచించారు.ఈ పర్యటనలో భీమిలి జోన్ జోనల్ కమిషనర్ విజయకుమార్, పర్యవేక్షక ఇంజనీరింగ్ శాంతిరాజు, కార్యనిర్వాహక ఇంజనీర్ వెంకటవాసు, డీసీపీ వెంకటేశ్వరరావు, రిటర్నింగ్ అధికారులు తదితర అధికారులు పాల్గొన్నారు.

PRASAD · 5 రోజుల క్రితం · Andhra Pradesh, Visakhapatnam

వార్తలు

దూసుకొస్తున్న తుఫాన్...!

   విశాఖపట్నం :       ఆగ్నేయ, ఆనుకొని ఉన్న తూర్పుమధ్య బంగాళాఖాతంలో అల్పపీడనం కేంద్రీకృతమై ఉందని రాష్ట్ర విపత్తుల నిర్వహణ సంస్థ మేనేజింగ్ డైరెక్టర్ ప్రఖర్ జైన్ తెలిపారు. ఇది అదే ప్రాంతంలో కొనసాగుతూ రేపటికి వాయుగుండంగా, పశ్చిమ-వాయువ్య దిశగా కదులుతూ ఎల్లుండికి  తీవ్ర వాయుగుండంగా బలపడే అవకాశం ఉందని వెల్లడించారు. సోమవారం  నాటికి పశ్చిమమధ్య బంగాళాఖాతంలో తుపానుగా మారే అవకాశం* ఉందని పేర్కొన్నారు.  ఇది మరింత బలపడి ఆ తదుపరి 2 రోజులలో ఉత్తరాంధ్ర -దక్షిణ ఒడిశా తీరాల వైపు కదిలే అవకాశం ఉందన్నారు. సముద్రంలో వేటకు వెళ్ళిన మత్స్యకారులు వెంటనే తీరానికి తిరిగి రావాలన్నారు.    దీని ప్రభావంతో రాష్ట్రంలో రేపు, ఎల్లుండి పలు జిల్లాల్లో తేలికపాటి నుంచి మోస్తరు వర్షాలు ; కోస్తాంధ్రలో సోమవారం అక్కడక్కడ మోస్తరు వర్షాలు, *మంగళ, బుధవారాల్లో భారీ నుంచి అతిభారీ వర్షాలు అలాగే తీరం వెంబడి బలమైన ఈదురు గాలులు* వీచే అవకాశం ఉందని వివరించారు. ప్రజలు, రైతులు తమ పనుల్లో ముందస్తు జాగ్రత్తలు తీసుకోవాలని సూచించారు.  అత్యవసర సహాయం, తుపాను సమాచారం కోసం *రాష్ట్ర విపత్తుల నిర్వహణ సంస్థలోని స్టేట్ ఎమర్జన్సీ ఆపరేషన్ సెంటర్ టోల్ ఫ్రీ 112, 1070, 18004250101* నంబర్లు సంప్రదించాలన్నారు.*రానున్న ఐదు రోజులు రాష్ట్రంలో వాతావరణం క్రింది విధంగా ఉండనున్నట్లు ఏపిఎస్డీఎంఏ ఎండీ ప్రఖర్ జైన్ తెలిపారు.**శనివారం ( 24-10-2026) :* కోనసీమ, పశ్చిమగోదావరి, కృష్ణా , గుంటూరు, బాపట్ల, ప్రకాశం ,రాయలసీమ జిల్లాలో జిల్లాలో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందన్నారు.*ఆదివారం ( 25-10-2026) :*  అల్లూరి ,పోలవరం, కృష్ణా , గుంటూరు, బాపట్ల, పల్నాడు, మార్కాపురం, ప్రకాశం, రాయలసీమ జిల్లాలో అక్కడక్కడ తేలికపాటి నుంచి మోస్తరు వర్షాలు కురిసే అవకాశం ఉందన్నారు.*సోమవారం (26-10-2026):* రాయలసీమ జిల్లాలో పలుచోట్ల తేలికపాటి వర్షాలు కురిసే అవకాశం ఉందన్నారు.*మంగళవారం ( 27-10-2026)* :  విశాఖపట్నం, అనకాపల్లి జిల్లాల్లో అక్కడక్కడ అత్యంత భారీ వర్షాలు ; శ్రీకాకుళం, పార్వతీపురంమన్యం, విజయనగరం, అల్లూరి సీతారామరాజు, కాకినాడ, తూర్పుగోదావరి, కోనసీమ, ఏలూరు, పశ్చిమగోదావరి, కృష్ణా జిల్లాల్లో భారీ నుంచి అతి భారీ వర్షాలు ; ఎన్టీఆర్, గుంటూరు, బాపట్ల జిల్లాల్లో భారీ వర్షాలు కురిసే అవకాశం ఉందన్నారు.*బుధవారం (28-10-2026) :* అల్లూరి సీతారామరాజు, అనకాపల్లి, కాకినాడ, తూర్పుగోదావరి, కోనసీమ, పశ్చిమగోదావరి జిల్లాల్లో అక్కడక్కడ అత్యంత భారీ వర్షాలు ;  శ్రీకాకుళం, పార్వతీపురం మన్యం, విజయనగరం, విశాఖపట్నం, ఏలూరు, ఎన్టీఆర్, కృష్ణా జిల్లాల్లో భారీ నుంచి అతి భారీ వర్షాలు ;  గుంటూరు, బాపట్ల జిల్లాల్లో భారీ వర్షాలు కురిసే అవకాశం ఉందని ప్రఖర్ జైన్ వెల్లడించారు.           శుక్రవారం సాయంత్రం 5 గంటల నాటికి కర్నూలు జిల్లా దూదెకొండలో 68మిమీ, దేవనకొండలో 52.1మిమీ, నంద్యాల జిల్లా సంజామలలో 41.99మిమీ, కర్నూలు జిల్లా లద్దగిరిలో 40.5మిమీ, మొలగవల్లిలో 39.6మిమీ, ఓర్వకల్లులో 39.2మిమీ, నంద్యాల జిల్లా రామాపురంలో 35.5మిమీ, తిరుపతి జిల్లా బుచ్చినాయుడుకండ్రిగలో 35.2మిమీ, పల్నాడు జిల్లా చిలకలూరిపేటలో 35.1మిమీ, ప్రకాశం జిల్లా  ఉప్పమాగులూరు34.5మిమీ చొప్పున వర్షపాతం నమోదైందన్నారు.

RAJA BABU · 5 రోజుల క్రితం · Andhra Pradesh, Visakhapatnam

వార్తలు

జీవీఎంసీపై కూటమి జెండా ఎగురవేయాలి

*మంత్రి డోలా బాల వీరాంజనేయస్వామి*-----జీవీఎంసీ కూటమి కార్పొరేట్ అభ్యర్థులతో మంత్రి సమావేశం విశాఖపట్నం , అక్టోబర్ 22 :జీవీఎంసీ ఎన్నికల్లో  కూటమి గెలుపు కోసం ప్రతి అభ్యర్థి కష్టపడి పని చేయాలని జిల్లా ఇంచార్జ్ మంత్రి డోలా బాల వీరాంజనేయస్వామి అన్నారు. గురువారం విశాఖ డాల్ఫిన్ హాటల్ లో జీవీఎంసీ కూటమి కార్పొరేట్ అభ్యర్థులతో మంత్రి సమావేశం నిర్వహించారు. ఈ సందర్భంగా ఎన్నికల్లో వ్యవహరించాల్సిన తీరు, ప్రజలతో మమేకమవడం వంటి అంశాలపై అభ్యర్థులకు మంత్రి పలు సలహాలు, సూచనలు చేశారు. అనంతరం మంత్రి డోలా బాల వీరాంజనేయస్వామి మాట్లాడుతూ.. టిక్కెట్లు ఆశించి పొందలేని వారిని సమన్వయంతో కలుపుకొని పనిచేయాలన్నారు. వైసీపీ అభ్యర్థుల కంటే కూటమి అభ్యర్థులు ప్రచారంలో దూసుకెళ్తూ ప్రజా సమస్యలపై దృష్టి పెట్టాలన్నారు. కూటమి రెండున్నరేళ్ల పాలనలోనే విశాఖ నగరానికి పెద్ద ఎత్తున కంపెనీలు, పరిశ్రమలు తీసుకువచ్చి యువతకు ఉపాధి, ఉద్యోగ అవకాశాలు కల్పించామన్నారు. వైసీపీ హయాంలో విశాఖ నగరంలో జరిగిన అభివృద్ధి శూన్యమని, కూటమి పాలనలో నగరంలో వేల కోట్ల రూపాయలతో అభివృద్ధి పనులు చేశామన్నారు. ప్రజలంతా కూటమి పాలనలో ప్రజలంతా సంతోషంగా ఉన్నారన్నారు. ఎన్నికల్లో గెలుపే లక్ష్యంగా ప్రతి అభ్యర్థి కష్టపడి పని చేసి జీవీఎంసీపై కూటమి జెండా ఎగురవేయాలని మంత్రి డా.డోలా బాల వీరాంజనేయస్వామి పిలుపునిచ్చారు. ఈ సమావేశంలో ఎంపీ   భరత్ , ఎమ్మెల్యేలు వెలగపూడి రామకృష్ణ బాబు, వంశీకృష్ణ శ్రీనివాస్, ఎమ్మెల్సీ వేపాడ చిరంజీవి రావు, విశాఖ జిల్లా టీడీపీ అధ్యక్షులు చోడే పట్టాభిరామ్ , జీవీఎంసీ ఎన్నికల పరిశీలకులు ఎంఏ షరీఫ్, కూటమి మేయర్ అభ్యర్థి  ముక్కా శ్రావణి తదితరులు పాల్గొన్నారు.

SARATH BABU · 6 రోజుల క్రితం · Andhra Pradesh, Visakhapatnam

వార్తలు

*ఆహ్లాదకర వాతావరణంలో పిల్లలకు మధ్యాహ్న భోజనం

----మాధవధార జీవీఎంసీ హైస్కూల్ సందర్శనలో జిల్లా కలెక్టర్ ఎం. అభిషిక్త్ కిశోర్విశాఖపట్నం, అక్టోబ‌ర్ 22: పాఠశాలల్లో విద్యార్థులకు ఆరోగ్యకరమైన, ఆహ్లాదకరమైన వాతావరణంలో మధ్యాహ్న భోజనం అందించాలని జిల్లా కలెక్టర్ ఎం. అభిషిక్త్ కిశోర్ అధికారులను ఆదేశించారు. గురువారం మాధవధార జీవీఎంసీ మున్సిపల్ హైస్కూల్‌ను సందర్శించిన ఆయన, విద్యార్థులకు అందిస్తున్న మధ్యాహ్న భోజనం నాణ్యతను పరిశీలించారు. విద్యార్థులు పరిశుభ్రమైన, సౌకర్యవంతమైన వాతావరణంలో భోజనం చేసేలా అవసరమైన కనీస మౌలిక వసతులు కల్పించాలని సూచించారు. విద్యార్థుల ఆరోగ్యం, పరిశుభ్రతకు ప్రాధాన్యతనిస్తూ మధ్యాహ్న భోజన పథకాన్ని సమర్థవంతంగా అమలు చేయాలని, భోజనం నాణ్యత విషయంలో ఎలాంటి నిర్లక్ష్యం వహించరాదని స్పష్టం చేశారు. చేతులు క‌డుక్కునేందుకు ప్ర‌త్యేక వాస్ బేసిన్ పెట్టాల‌ని చెప్పారు. సంద‌ర్శ‌న‌లో భాగంగా విద్యార్థుల‌తో మ‌మేక‌మై, వారితో క‌లిసి భోజ‌నం చేశారు. వివిధ విష‌యాల‌పై విద్యార్థుల‌తో మాట్లాడారు. విద్యా బోధ‌న‌, ఇత‌ర వ‌స‌తుల క‌ల్ప‌న‌పై ఆరా తీశారు. డీఈవో ఎన్. ప్రేమ్ కుమార్, ఎంఈవో వేణుగోపాల్, ఇతర అధికారులు పాల్గొన్నారు.

SARATH BABU · 6 రోజుల క్రితం · Andhra Pradesh, Visakhapatnam

వార్తలు

ఎల్-నినోను ఎదుర్కోవాలంటే పంటల మార్పు తప్పనిసరి : షాద్‌నగర్ ఏడీఏ రమాదేవి

----------వరి సాగుకు బదులుగా తక్కువ నీటితో పండే ఆరుతడి పంటలకు ప్రాధాన్యం ఇవ్వాలిషాద్‌నగర్ : ఎల్-నినో పరిస్థితుల నేపథ్యంలో భవిష్యత్తులో నీటి లభ్యతలో మార్పులు, వర్షపాతం తగ్గే అవకాశం ఉన్నందున రైతులు ముందస్తు పంటల ప్రణాళికతో సాగు చేపట్టాలని షాద్‌నగర్ సహాయ వ్యవసాయ సంచాలకులు (ఏడీఏ) రమాదేవి సూచించారు. భూగర్భ జలాలపై ఒత్తిడి తగ్గించేందుకు యాసంగిలో వరి సాగు విస్తీర్ణాన్ని తగ్గించి, తక్కువ నీటితో సాగు చేయగల ఆరుతడి పంటలకు ప్రాధాన్యత ఇవ్వాలని ఆమె కోరారు.ఫరూక్‌నగర్ మండలం బూర్గుల గ్రామంలో గురువారం వ్యవసాయ, ఉద్యానవన, మార్కెటింగ్ శాఖల అధికారులు రైతు పెంబళ్ల శ్రీధర్ వ్యవసాయ క్షేత్రాన్ని సందర్శించి సాగు పరిస్థితులను పరిశీలించారు. ఈ సందర్భంగా ఏడీఏ రమాదేవి, మండల వ్యవసాయ అధికారి నిశాంత్ కుమార్‌తో పాటు సంబంధిత శాఖల అధికారులు పంటల సాగు విధానాలను పరిశీలించి రైతుకు పలు సూచనలు చేశారు. రైతు శ్రీధర్ తనకున్న నాలుగున్నర ఎకరాల భూమిలో ఎల్-నినో పరిస్థితులను దృష్టిలో ఉంచుకుని వ్యవసాయ శాఖ సూచనల మేరకు వరి సాగుకు బదులుగా రెండున్నర ఎకరాల్లో తుంపర సేద్యం పద్ధతిలో బెండకాయ, టమాట పంటలను సాగు చేస్తున్నట్లు తెలిపారు. మిగిలిన రెండు ఎకరాల్లోనూ తక్కువ నీరు అవసరమయ్యే ఆరుతడి పంటలు సాగు చేసేందుకు భూమిని సిద్ధం చేసుకున్నట్లు వివరించారు. నీటి లభ్యతను దృష్టిలో ఉంచుకుని పంటల మార్పు దిశగా రైతు తీసుకున్న నిర్ణయాన్ని అధికారులు పరిశీలించారు. ఈ సందర్భంగా ఏడీఏ రమాదేవి మాట్లాడుతూ రబీ జొన్న, కుసుమ, పెసర, మినుములు, సజ్జలు, మొక్కజొన్న, పొద్దుతిరుగుడు, నువ్వులు, కూరగాయలు వంటి తక్కువ నీటితో సాగు చేయగల పంటలను రైతులు ఎంపిక చేసుకోవాలని సూచించారు. భూమి స్వభావం, నేల రకం, నీటి లభ్యతతో పాటు మార్కెట్‌లో పంటలకు ఉన్న డిమాండ్‌ను పరిగణనలోకి తీసుకుని సాగు ప్రణాళిక రూపొందించుకోవాలని తెలిపారు. నీటి పొదుపుతో పాటు సాగు ఖర్చులను తగ్గించుకుని స్థిరమైన దిగుబడులు సాధించేందుకు సూక్ష్మ సేద్య పద్ధతులను రైతులు విస్తృతంగా వినియోగించుకోవాలని ఆమె సూచించారు. పంటకు అవసరమైన నీటిని మాత్రమే అందించే బిందు సేద్యం, తుంపర సేద్యం వంటి విధానాలను అవలంబించాలని, ఉద్యానవన శాఖ ద్వారా అర్హత మేరకు సబ్సిడీపై లభించే బిందు సేద్య పరికరాలను సద్వినియోగం చేసుకోవాలని కోరారు.పంటల మార్పుతో పాటు నేలలో తేమను సంరక్షించే పద్ధతులు పాటించడం, నీటిని వృథా కాకుండా వినియోగించడం, సాగు ఖర్చులను నియంత్రించడం ద్వారా వాతావరణ ప్రతికూల పరిస్థితులను సమర్థవంతంగా ఎదుర్కోవచ్చని రమాదేవి తెలిపారు. రైతులు వ్యవసాయ శాఖ అధికారుల సలహాలు తీసుకుంటూ వాతావరణ పరిస్థితులకు అనుగుణంగా ముందస్తు ప్రణాళికతో సాగు చేపట్టాలని సూచించారు.కార్యక్రమంలో మండల వ్యవసాయ అధికారి నిశాంత్ కుమార్, ఉద్యానవన అధికారి హిమబిందు, కాటన్ సీపీఓ తిరుమలరావు, ఏఎంసీ కార్యదర్శి వెంకట్ రెడ్డి, సూపర్‌వైజర్ శ్రీశైలం, ఏఈఓ రాంబాబు, హెచ్ఈఓ రుక్మిణి తదితరులు పాల్గొన్నారు.

STATE BEURO · 7 రోజుల క్రితం · Telangana, Hyderabad