వ్యాపారం

విజయవాడ- విశాఖ మధ్య ప్రత్యేక రైళ్లు

విశాఖపట్నం: దసరా పండగ నేపథ్యంలో ప్రయాణికుల సౌకర్యార్థం విజయవాడ- విశాఖపట్నం మధ్య ప్రత్యేక రైళ్లు నడపాలని రైల్వేశాఖ నిర్ణయించింది. ఈ నెల 17న (శనివారం) విశాఖ-విజయవాడ మధ్య, 19న (సోమవారం) విజయవాడ-విశాఖ మధ్య జనసాధారణ్‌ ప్రత్యేక రైళ్లు నడవనున్నట్లు వెల్లడించింది. ఈ రైళ్లు దువ్వాడ, అనకాపల్లి, తుని, సామర్లకోట, రాజమహేంద్రవరం, తాడేపల్లిగూడెం, ఏలూరు స్టేషన్లలో ఆగనున్నాయి. మరోవైపు ఈ నెల 17, 18 తేదీల్లో విజయవాడ-పలాస.. 18, 19 తేదీల్లో పలాస-విజయవాడ మధ్య జనసాధారణ్‌ ప్రత్యేక రైళ్లు నడపనున్నారు.

SWAROOP KUMAR· 2 వారాల క్రితం

వ్యాపారం

భారత్-అమెరికా ద్వైపాక్షిక వాణిజ్య ఒప్పందం: కేంద్ర మంత్రి నిర్మలా సీతారామన్

న్యూ ఢిల్లీ ; ప్రపంచవ్యాప్తంగా పలు ఆర్థిక అనిశ్చితులు కొనసాగుతున్న వేళ, భారత్-అమెరికా ద్వైపాక్షిక వాణిజ్య ఒప్పందంపై కేంద్ర ఆర్థిక మంత్రి నిర్మలా సీతారామన్ కీలక ప్రకటన చేశారు. వీలైనంత త్వరగా ఈ ఒప్పందాన్ని ఖరారు చేసేందుకు ఇరు దేశాలు సిద్ధంగా ఉన్నాయని స్పష్టం చేశారు. బ్యాంకాక్‌లో జరిగిన ఐఎంఎఫ్‌-ప్రపంచ బ్యాంకు వార్షిక సమావేశాల వేదికగా ఆమె మాట్లాడారు.ద్వైపాక్షిక ఆర్థిక, వాణిజ్య ప్రయోజనాలతో పాటు అంతర్జాతీయ వాణిజ్య ప్రయోజనాలను దృష్టిలో ఉంచుకుని అగ్రరాజ్యం అమెరికాతో చర్చలు వేగవంతం చేశామని, ప్రస్తుతం ఇవి చివరి దశకు చేరుకున్నాయని తెలిపారు.భారత్-అమెరికా ఒప్పందానికి సంబంధించి ప్రాథమిక/తొలి దశ ఇప్పటికే ఖరారైందని కేంద్ర వాణిజ్య మంత్రి పీయూష్ గోయల్ తనకు వెల్లడించినట్లు నిర్మలా సీతారామన్ పేర్కొన్నారు. ప్రస్తుతం దీనికి చట్టపరమైన ముసాయిదా రూపకల్పన జరుగుతోందని, త్వరలోనే సంతకాలు కూడా పూర్తవుతాయని చెప్పారు.అంతర్జాతీయంగా కఠిన పరిస్థితులు ఉన్నప్పటికీ భారత ఆర్థిక వ్యవస్థ అత్యంత స్థిరంగా వృద్ధి చెందుతోందని స్పష్టం చేశారు. కొవిడ్ అనంతర కాలంలో గత నాలుగైదేళ్లుగా ప్రపంచంలోనే అత్యంత వేగంగా అభివృద్ధి చెందుతున్న ప్రధాన ఆర్థిక వ్యవస్థగా భారత్ నిలిచిందని పునరుద్ఘాటించారు.సమ్మిళిత అభివృద్ధి విధానాలు, యువత నైపుణ్యాభివృద్ధిలో పెట్టుబడులు మరియు పక్కా ఆర్థిక క్రమశిక్షణే భారత్ వృద్ధికి ప్రధాన కారణాలని వివరించారు. ప్రజాధనం వినియోగం పట్ల ప్రభుత్వానికి స్పష్టమైన బాధ్యత ఉందని తెలిపారు.

RITA · 2 వారాల క్రితం

వ్యాపారం

ఎన్నికల కోడ్: ఏం చేయకూడదు? ( చేయకూడనివి) 📢💭🔕

👇 ఫ్లెక్సీలు, వాల్ రాతలు👇ప్రభుత్వ భవనాలు, విద్యుత్ స్తంభాలు, బహిరంగ ప్రదేశాల్లో ఎలాంటి రాజకీయ ఫ్లెక్సీలు, పోస్టర్లు, బ్యానర్లు, వాల్ రాతలు ఉండరాదు.ప్రలోభాలు:ఓటర్లకు నగదు, మద్యం, బహుమతులు పంచడం లేదా ఉచితంగా వస్తువుల పంపిణీ చేయడం తీవ్ర నేరం.మత/కుల ప్రచారాలు: కులాల, మతాల మధ్య విద్వేషాలు రేకెత్తించేలా లేదా వ్యక్తిగత దూషణలతో ప్రసంగాలు చేయకూడదు. ప్రార్థనా మందిరాలను (గుడులు, మసీదులు, చర్చీలు) ప్రచార వేదికలుగా వాడరాదు.ప్రభుత్వ వనరులు: అధికార పక్షం వారు ప్రభుత్వ వాహనాలు, నిధులు, భవనాలను లేదా ప్రభుత్వ పథకాల ప్రచారాలను ఎన్నికల ప్రయోజనాల కోసం ఉపయోగించకూడదు.కొత్త పథకాలు/పనులు: ఓటర్లను ఆకట్టుకునేలా కొత్త ప్రభుత్వ పథకాలు, శంకుస్థాపనలు, ప్రారంభోత్సవాలు లేదా కొత్త నిధుల మంజూరు చేయకూడదు.అనుమతి లేని మైకులు: రాత్రి 10 గంటల నుండి ఉదయం 6 గంటల వరకు మైకులు, లాడ్‌స్పీకర్లు వాడకూడదు. పగటిపూట కూడా ముందస్తు అనుమతి తప్పనిసరి.నగదు రవాణా:సరైన ఆధారాలు, పత్రాలు లేకుండా రూ. 50,000 కంటే ఎక్కువ నగదును రవాణా చేయకూడదు.

STATE BEURO · 2 వారాల క్రితం · Andhra Pradesh, Tirupati

వ్యాపారం

జలసంధిలో కుప్పలు కుప్పలుగా ఐఫోన్లు!

 హర్మూజ్  :అంతర్జాతీయ నౌకా రవాణా మార్గమైన హర్మూజ్ జలసంధిలో  భారీ ప్రమాదం చోటుచేసుకుంది. దాదాపు 2,500 కంటైనర్ల సరకుతో ప్రయాణిస్తున్న సింగపూర్ జెండా కలిగిన ‘జీఎఎఫ్ఎస్ ప్రైడ్’ అనే కార్గో నౌక సముద్రంలో మైన్‌ను ఢీకొని నీట మునిగిపోయింది. ఈ ఘటనను ఇరాన్ విప్లవాత్మక బలగాలు ( అధికారికంగా ధృవీకరించాయి. మైన్‌ను ఢీకొట్టడం వల్ల నౌక మునిగిపోయిందని ఐఆర్‌జీసీ ప్రకటించడం ఇదే తొలిసారి కావడంతో అంతర్జాతీయంగా తీవ్ర ఆందోళన వ్యక్తమవుతోంది.చట్టవిరుద్ధమైన, అత్యంత ప్రమాదకరమైన మార్గంలో ప్రయాణిస్తున్న సమయంలోనే ఈ ప్రమాదం చోటుచేసుకుందని ఇరాన్ స్థానిక మీడియా, అధికారులు వెల్లడించారు.దుబాయ్ నుంచి బయలుదేరిన ఈ నౌకలో ఐఫోన్లు, విలాసవంతమైన లగ్జరీ పెర్ఫ్యూమ్‌లు సహా ఇతర ఖరీదైన వస్తువులు ఉన్నాయి. ప్రమాదం ధాటికి కంటైనర్లు సముద్రంలో చెల్లాచెదురై, ఐఫోన్ల పెట్టెలు నీటిపై తేలియాడుతున్న దృశ్యాలు సామాజిక మాధ్యమాల్లో ప్రత్యక్షమయ్యాయి.హర్మూజ్ మార్గంలో సింగపూర్‌కు చెందిన రెండు నౌకలు ప్రమాదానికి గురైనప్పటికీ, అందులో మునిగిపోయిన నౌకలోని సిబ్బందిని సహాయక బృందాలు సురక్షితంగా బయటకు తరలించాయని సింగపూర్ పోర్ట్ అధికారులు స్పష్టం చేశారు. సిబ్బందికి ఎలాంటి గాయాలు కాలేదని తెలిపారు.

RITA · 2 వారాల క్రితం

వ్యాపారం

అబ్దుల్‌ కలాం జీవితం నేటి తరానికి స్ఫూర్తిదాయకం: చంద్రబాబు

అమరావతి: దేశ అణు, సాంకేతిక రంగాలకు సరికొత్త దిశానిర్దేశం చేసిన దార్శనికుడు.. కోట్లాది మందికి స్ఫూర్తినిచ్చిన మహనీయుడు అబ్దుల్ కలాం అని ముఖ్యమంత్రి చంద్రబాబు (Chandrababu) కొనియాడారు. మాజీ రాష్ట్రపతి, భారతరత్న డాక్టర్ ఏపీజే అబ్దుల్ కలాం జయంతి సందర్భంగా ఆయన సేవలను స్మరించుకున్నారు. అరుదైన వ్యక్తిత్వం, మానవతా దృక్పథం కలిగిన కలాం దేశానికి, సమాజానికి చేసిన సేవలు చిరస్మరణీయమని తెలిపారు. ఆయన జీవితం నేటి తరానికి స్ఫూర్తిదాయకమని చంద్రబాబు అన్నారు. ‘‘అబ్దుల్ కలాం అంటే ఒక స్ఫూర్తి శిఖరం. అరుదైన వ్యక్తిత్వం ఆయన సొంతం. దేశ అణు, సాంకేతిక రంగాలకు సరికొత్త మార్గనిర్దేశనం చేసిన దార్శనికుడు, మాజీ రాష్ట్రపతి అబ్దుల్ కలాం. ఆయన జయంతి సందర్భంగా ఆ మానవతావాది దేశ, సమాజ సేవలను స్మరించుకుందాం’’అని ‘ఎక్స్‌’లో పోస్టు చేశారు.

CHANDU · 2 వారాల క్రితం · Andhra Pradesh, Guntur

వ్యాపారం

హాలిడే ఇన్ ఆంధ్రప్రదేశ్

--ప్రపంచ పర్యాటక పటంలో ఆంధ్రప్రదేశ్‌కు విశిష్ట స్థానం కల్పించే మహత్తర ఉద్యమం--దేశీయ పర్యాటకాభివృద్ధితో ఆర్థిక పురోగతి – ఉపాధి విస్తరణ – సాంస్కృతిక వైభవ ప్రాచుర్యమే లక్ష్యం--రాష్ట్ర పర్యాటక, సాంస్కృతిక & సినిమాటోగ్రఫీ శాఖ మంత్రి కందుల దుర్గేష్అమరావతి, మే 20: ఆంధ్రప్రదేశ్‌ను దేశంలోనే అత్యుత్తమ పర్యాటక గమ్యస్థానంగా, భవిష్యత్తులో ప్రపంచ స్థాయి పర్యాటక కేంద్రంగా తీర్చిదిద్దే దిశగా రాష్ట్ర ప్రభుత్వం “హాలిడే ఇన్ ఆంధ్రప్రదేశ్” పేరుతో ఏడాది పాటు కొనసాగే సమగ్ర పర్యాటక ప్రచార కార్యక్రమాన్ని ప్రారంభించినట్లు రాష్ట్ర పర్యాటక, సాంస్కృతిక & సినిమాటోగ్రఫీ శాఖ మంత్రి కందుల దుర్గేష్ తెలిపారు. ఇది కేవలం ప్రచార కార్యక్రమం మాత్రమే కాకుండా, రాష్ట్ర పర్యాటక రంగానికి నూతన దిశానిర్దేశం చేసే ప్రజా ఉద్యమంగా రూపుదిద్దుకోనుందని మంత్రి స్పష్టం చేశారు. ఇది ఆంధ్రప్రదేశ్ పర్యాటక భవిష్యత్తుకు పునాది వేసే మహత్తర యత్నమన్నారు. ప్రభుత్వం, భాగస్వామ్య వర్గాలు, ప్రజలు అందరూ కలిసికట్టుగా పనిచేస్తే ఆంధ్రప్రదేశ్‌ను ప్రపంచ స్థాయి పర్యాటక గమ్యస్థానంగా నిలబెట్టగలం అనే సంపూర్ణ విశ్వాసాన్ని ఆయన వ్యక్తం చేశారు. బుధవారం రాష్ట్ర సచివాలయం ప్రచార విభాగంలో మంత్రి పాత్రి కేయులతో మాట్లాడుతూ మధ్యప్రాచ్య దేశాల్లో నెలకొన్న ఉద్రిక్త పరిస్థితులు మరియు అంతర్జాతీయ ఆర్థిక అనిశ్చితుల నేపథ్యంలో ఇంధన పొదుపు, విదేశీ పర్యటనల నియంత్రణతో పాటు దేశీయ పర్యాటకాన్ని ప్రోత్సహించడం ద్వారా దేశ ఆర్థిక వ్యవస్థ బలోపేతం చేయాలని పర్యాటక పరంగా విదేశాలకు వెళ్లే భారతీయుల సంఖ్య ఏడాది ఏడాదికీ పెరుగుతుండగా, విదేశీ పర్యాటకులు భారతదేశానికి వచ్చే సంఖ్య తక్కువగా ఉండటం వల్ల దేశ సంపద విదేశాలకు వెళ్తోందన్నారు. ముఖ్యంగా వివాహ వేడుకలు, విశ్రాంతి పర్యటనలు, వినోద యాత్రల కోసం భారతీయులు విదేశాలకు అధికంగా వెళ్తున్నారని, ఆ ధోరణిని మార్చి దేశీయ పర్యాటకాన్ని ప్రజాదరణ పొందేలా చేయాల్సిన అవసరం ఉందని పేర్కొన్నారు. ఈ నేపథ్యంలో ఆంధ్రప్రదేశ్ ప్రభుత్వం ముందడుగు వేసి “హాలిడే ఇన్ ఆంధ్రప్రదేశ్” ప్రచార కార్యక్రమాన్ని ప్రారంభించిందని తెలిపారు. ఈ కార్యక్రమం ద్వారా రాష్ట్రంలోని విశిష్ట పర్యాటక ప్రదేశాలను దేశవ్యాప్తంగా, అంతర్జాతీయ స్థాయిలో ప్రచారం చేయడంతో పాటు దేశీయ పర్యాటకులను ఆకర్షించే కార్యాచరణ చేపడుతున్నట్లు వెల్లడించారు.రాష్ట్ర వ్యాప్తంగా ఎన్నో అద్బుతమైన పర్యాటక ప్రాంతాలు ఉన్నాయని గండికోట వంటి “భారతదేశ గ్రాండ్ క్యానియన్”గా గుర్తింపు పొందిన ప్రదేశం నుంచి విశాఖపట్నం సముద్రతీర సౌందర్యం వరకు, అమరావతి ఆధ్యాత్మిక వైభవం నుంచి తిరుపతి భక్తి పర్యాటకం వరకు, మన్యం ప్రాంతాల సహజ అందాలు నుంచి గోదావరి–కృష్ణా–పెన్నా నదీ పరివాహక ప్రాంతాల సాంస్కృతిక సంపద వరకు ఆంధ్రప్రదేశ్ అపారమైన పర్యాటక సామర్థ్యాన్ని కలిగి ఉందని మంత్రి పేర్కొన్నారు. తిరుమల శ్రీ వేంకటేశ్వర స్వామి దర్శనానికి ప్రపంచం నలుమూలల నుంచి భక్తులు వస్తున్నప్పటికీ, శ్రీశైలం, పంచారామాలు, నవ వైష్ణవ క్షేత్రాలు వంటి అనేక ఆధ్యాత్మిక క్షేత్రాలను సమగ్ర యాత్రా మార్గాలుగా అభివృద్ధి చేయాల్సిన అవసరం ఉందన్నారు. ఇందుకోసం సమగ్ర పర్యాటక వలయాల నమూనాను అమలు చేస్తామని తెలిపారు.అదేవిధంగా గమ్యస్థాన వివాహాల రంగంలో ఆంధ్రప్రదేశ్‌కు అపార అవకాశాలు ఉన్నాయని మంత్రి వివరించారు. తిరుపతి, అరకు లోయ, విశాఖపట్నం సముద్రతీరాలు, ప్రకృతి రమణీయ ప్రాంతాల్లో వివాహ వేడుకలు నిర్వహించేందుకు ప్రత్యేక ప్రోత్సాహకాలు, సౌకర్యాలు కల్పించనున్నట్లు తెలిపారు. అంతర్జాతీయ స్థాయి సమావేశాలు, పెట్టుబడి సదస్సులు, వ్యాపార సమావేశాలకు అనుకూలంగా సమావేశ–ప్రదర్శన కేంద్రాలను అభివృద్ధి చేసి రాష్ట్రాన్ని వ్యాపార–పర్యాటక కేంద్రంగా తీర్చిదిద్దే దిశగా చర్యలు చేపడుతున్నామని పేర్కొన్నారు.ప్రపంచవ్యాప్తంగా స్థిరపడిన తెలుగు ప్రజలు రాష్ట్ర పర్యాటకాభివృద్ధిలో భాగస్వాములు కావాలని మంత్రి పిలుపునిచ్చారు. ప్రతి ప్రవాస తెలుగు కుటుంబం కనీసం ఐదు విదేశీ కుటుంబాలను ఆంధ్రప్రదేశ్ పర్యటనకు ఆహ్వానించినా రాష్ట్ర ఆర్థిక వ్యవస్థకు విశేష బలం చేకూరుతుందని, ఉపాధి అవకాశాలు గణనీయంగా పెరుగుతాయని తెలిపారు.రాష్ట్ర ప్రభుత్వం ఇప్పటికే పర్యాటక విధానంలో భాగంగా పలు పర్యాటక వలయాలను రూపొందించిందని, వసతి సామర్థ్యాన్ని పెంపొందించేందుకు చర్యలు వేగవంతం చేస్తున్నట్లు తెలిపారు. గత ఏడాదిలోనే 42 హోటల్ ప్రాజెక్టులకు అనుమతులు మంజూరు చేసి దాదాపు 9,500 కొత్త గదుల సామర్థ్యాన్ని కల్పించే ప్రక్రియ ప్రారంభమైందన్నారు.సాహస పర్యాటకం, సముద్రతీర పర్యాటకం, అనుభూతి కేంద్రాలు వంటి రంగాల్లో కూడా రాష్ట్ర ప్రభుత్వం ప్రత్యేక దృష్టి సారించిందని తెలిపారు. విశాఖపట్నం, చీరాల వంటి ప్రాంతాల్లో కొత్త సాహస క్రీడా కార్యక్రమాలు ప్రారంభమయ్యాయని పేర్కొన్నారు.విమాన, రైలు, రహదారి, జలమార్గ అనుసంధాన పరంగా ఆంధ్రప్రదేశ్ దేశంలోనే అత్యుత్తమ స్థితిలో ఉందని మంత్రి స్పష్టం చేశారు. విశాఖపట్నం, విజయవాడ, రాజమండ్రి, కర్నూలు, కడప విమానాశ్రయాలతో పాటు త్వరలో గుంటూరు సమీపంలో భారీ అంతర్జాతీయ విమానాశ్రయం అభివృద్ధి చెందుతోందన్నారు.పర్యాటకుల భద్రతకు అత్యున్నత ప్రాధాన్యత ఇస్తున్నామని పేర్కొంటూ, ఆలయాలు మరియు పర్యాటక ప్రాంతాల్లో భద్రతా ప్రమాణాలను గణనీయంగా పెంపొందించామని తెలిపారు. సేవల నాణ్యతను ఆధునీకరిస్తూ పర్యాటకులకు సురక్షితమైన, సౌకర్యవంతమైన అనుభవాన్ని అందించేందుకు ప్రభుత్వం కట్టుబడి ఉందన్నారు.అంతకు ముందు రాష్ట్ర సచివాలయంలో హోటల్ సంఘాలు, పర్యాటక నిర్వహణ సంస్థలు, వినోద పార్కుల నిర్వాహకులు, వివాహ వేడుకల ప్రణాళికకర్తలు, సామాజిక మాధ్యమ ప్రభావశీలులు మరియు ఇతర భాగస్వామ్య వర్గాలతో విస్తృత స్థాయిలో సమావేశం నిర్వహించడం జరిగిందని మంత్రి తెలిపారు. ఈ సమావేశంలో పాల్గొన్న భాగస్వామ్య వర్గాలు ప్రభుత్వ కార్యక్రమానికి పూర్తి సహకారం అందిస్తామని హామీ ఇచ్చాయని మంత్రి వెల్లడించారు. హోటల్ యాజమాన్యాలు ప్రత్యేక రాయితీ ధరలు ప్రకటించేందుకు సిద్ధమయ్యాయని, పర్యాటక నిర్వహణ సంస్థలు వివిధ ప్రాంతాలను అనుసంధానించే ప్రత్యేక యాత్రా ప్యాకేజీల రూపకల్పనపై ముందుకు వచ్చాయని తెలిపారు. ఒకరోజు పర్యటనకు వచ్చే సందర్శకులను రెండు–మూడు రోజులపాటు రాష్ట్రంలోనే ఉండేలా ఆకర్షణీయ కార్యక్రమాలు రూపొందించనున్నట్లు వెల్లడించారు.రాష్ట్ర పర్యాటక శాఖ ప్రత్యేక ప్రధాన కార్యదర్శి అజయ్ జైన్ మాట్లాడుతూ మధ్యప్రాచ్య మరియు అంతర్జాతీయ సంక్షోభాల నేపథ్యంలో ప్రధానమంత్రి నరేంద్ర మోదీ ఇచ్చిన పిలుపు మేరకు విదేశీ పర్యటనలను తగ్గించి దేశీయ పర్యాటకాన్ని ప్రోత్సహించాలని ఆంధ్రప్రదేశ్ ప్రభుత్వం నిర్ణయించిందన్నారు. విదేశీ మారకద్రవ్య పొదుపుతో పాటు దేశీయ ఉపాధి అవకాశాలు పెంపొందించడమే దీని లక్ష్యమని ఆయన పేర్కొన్నారు. గత ఏడాది భారత్‌కు 90 లక్షల మంది విదేశీ పర్యాటకులు రాగా, 3.4 కోట్ల మంది భారతీయులు విదేశాలకు వెళ్లిన విషయాన్ని ఆయన వెల్లడిచేస్తూ ముఖ్యంగా గమ్యస్థాన వివాహాల కోసం విదేశాలకు వెళ్లే ధోరణిని మార్చాల్సిన అవసరం ఎంతో ఉందన్నారు. ఈ నేపథ్యంలో “హాలిడే ఇన్ ఆంధ్రప్రదేశ్” పేరుతో ఏడాది పాటు ప్రత్యేక ప్రచార కార్యక్రమాన్ని ప్రారంభిస్తున్నట్లు తెలిపారు. రాష్ట్రంలోని పర్యాటక ప్రదేశాలను ప్రోత్సహించి, దేశీయ పర్యాటకులను ఆకర్షించేందుకు సమగ్ర కార్యాచరణ చేపడుతున్నట్లు తెలిపారు.ఈ కార్యక్రమంపై నిర్వహించిన భాగస్వామ్య వర్గాల సమావేశంలో హోటల్ యాజమాన్యాలు, ప్రయాణ నిర్వహకులు, వివాహ వేడుకల ప్రణాళికకర్తలు, సామాజిక మాధ్యమ ప్రభావశీలులు తదితర రంగాలకు చెందిన ప్రతినిధులు దాదాపు 200 మంది ప్రత్యక్ష మరియు వర్చువల్ విధానంలో పాల్గొని తమ విలువైన సూచనలు అందజేయడం జరిగిందన్నారు. ఈ సమావేశంలో ఆంధ్రప్రదేశ్ పర్యాటకాభివృద్ధి సంస్థ ఇన్‌ఛార్జ్ మేనేజింగ్ డైరెక్టర్ శ్రీమతి పద్మావతి, ఎగ్జిక్యూటివ్ డైరెక్టర్ శ్రీనివాస్ తదితరులు పాల్గొన్నారు.

GANTA MADHU · 5 నెలల క్రితం · Andhra Pradesh, Visakhapatnam

వ్యాపారం

జిల్లాలో మత్స్యకారుల ఖాతాలో 27.19 కోట్లు జమ

విశాఖపట్నం మే 18:- మత్స్యకారుల వేట నిషేధిత భృతి కింద జిల్లాలో13,597 మందికి 27 కోట్ల రూపాయలు ప్రభుత్వం వారి ఖాతాలలో జమ చేసిందని జిల్లా కలెక్టర్ ఎం.అభిషిక్త్ కిషోర్ వెల్లడించారు. మంగళవారం రాష్ట్ర ముఖ్యమంత్రి నారా చంద్రబాబు నాయుడు నెల్లూరు జిల్లా కావలిలో జరిగిన మత్స్యకారుల సేవ కార్యక్రమంలో పాల్గొనగా జిల్లా కలెక్టర్ అభిషిక్త్ కిషోర్, జాయింట్ కలెక్టర్ జి .విద్యాధరి, శాసనసభ్యులు వెలగపూడి రామకృష్ణ బాబు, వంశీకృష్ణ యాదవ్, కలెక్టరేట్ నుంచి వర్చువల్ గా పాల్గొన్నారు. ఈ సందర్భంగా వేట నిషేధభృతి కింద మత్స్యకారులకు జిల్లాలో 27 కోట్ల 19 లక్షల 40 వేలు మెగా చెక్కును అందజేశారు. అనంతరం జిల్లా కలెక్టర్ మాట్లాడుతూ  మత్స్యకారుల కుటుంబాలకు ఆర్థిక భరోసా కల్పించేందుకే ప్రభుత్వం వేట నిషేధ భృతి కింద కుటుంబానికి 20వేల వంతున విడుదల చేసింది అన్నారు. గత సంవత్సరం కంటే ఈ ఏడాది 1500 మంది లబ్ధిదారులను చేర్చినట్లు ఆయన తెలిపారు. ఇంతకు ముందు మెకానైస్డ్ బోట్లలో పనిచేసే సిబ్బంది 6గురికి మాత్రమే జీవన భృతి వర్తించగా ప్రస్తుతం 8 నుండి 10 మంది వరకు ఈ పథకంలో చేరుస్తున్నామన్నారు. ఇంకెవరైనా మిగిలి ఉంటే వారిని కూడా గుర్తించి ఈ పథకంలో చేర్చేందుకు చర్యలు తీసుకుంటామన్నారు. ఈ కార్యక్రమంలో మత్స్యశాఖ సంయుక్త సంచాలకులు లక్ష్మణరావు, మత్స్యకార బోట్ల ఓనర్లు, మత్స్యకారులు పాల్గొన్నారు.

PRASAD · 5 నెలల క్రితం · Andhra Pradesh, Visakhapatnam

వ్యాపారం

రేషన్‌ పంపిణీకి సీడీబీసీ విధానం

--విజయవాడ, విశాఖల్లో త్వరలో అమలు--మధ్యాహ్న భోజన పథకానికి స్టీమ్‌ బియ్యం  --మంత్రి నాదెండ్ల మనోహర్‌ వెల్లడి న్యూ ఢిల్లీ :రేషన్‌ పంపిణీకి గుజరాత్‌లో అహ్మదాబాద్, సూరత్, ఆనంద్, వల్సాడ్‌ జిల్లాల్లో ప్రయోగాత్మకంగా అమలు చేస్తున్న సెంట్రల్‌ బ్యాంక్‌ డిజిటల్‌ కరెన్సీ (సీబీడీసీ) విధానాన్ని త్వరలో ఏపీలోని విజయవాడ, విశాఖపట్నంలలో అమల్లోకి తేనున్నట్లు రాష్ట్ర పౌరసరఫరాలశాఖ మంత్రి నాదెండ్ల మనోహర్‌ ప్రకటించారు. ఆయన మంగళవారం దిల్లీలో తమ శాఖ సమస్యలపై కేంద్ర ఆహార, ప్రజాపంపిణీ వ్యవహారాల శాఖ మంత్రి ప్రహ్లాద్‌జోషితోపాటు, వివిధ ప్రభుత్వ శాఖల కార్యదర్శులతో సమావేశమయ్యారు. అనంతరం ఏపీభవన్‌లో విలేకర్లతో మాట్లాడారు. ‘చౌకధరల దుకాణాల ద్వారా అందించే బియ్యం, పంచదారలాంటి వస్తువులను గుజరాత్‌ తరహాలోనే మేం కూడా సెంట్రల్‌ బ్యాంక్‌ డిజిటల్‌ కరెన్సీ (సీబీడీసీ) ద్వారా అందిస్తామని కేంద్ర మంత్రికి చెబితే సానుకూలంగా స్పందించారు. ఈ కొత్త విధానం కింద ప్రతి కుటుంబానికి ఒక డిజిటల్‌ వ్యాలెట్‌ ప్రారంభిస్తాం. డొక్కా సీతమ్మ మధ్యాహ్న భోజనం పథకం కింద రాష్ట్రంలోని 41 వేల ప్రభుత్వ పాఠశాలలు, 4 వేల సంక్షేమ హాస్టళ్లకు అందిస్తున్న సన్న బియ్యం స్థానంలో ఈ ఏడాది నుంచి నాణ్యమైన స్టీమ్‌ బియ్యం అందించాలనుకుంటున్నామని చెప్పగా కేంద్ర మంత్రి అంగీకరించారు. రాష్ట్రం నుంచి ఉప్పుడు బియ్యం ఉత్పత్తి పెరిగిన నేపథ్యంలో 2 లక్షల టన్నుల కొనుగోలుకు కేంద్రం అంగీకరించింది. మరో రెండు లక్షల టన్నుల అదనపు సేకరణకు కూడా మంత్రి సానుకూలంగా స్పందించారు. వినియోగదారులకు తక్కువ ధరలకే సరకులు అందించేందుకు రాష్ట్రంలో వెయ్యి మినీమార్టులు ఏర్పాటు చేయడానికి, దేశంలోని అన్ని మిలిటరీ క్యాంటీన్లలో అరకు కాఫీ విక్రయించేందుకు నేషనల్‌ సెంట్రల్‌ కోఆపరేటివ్‌ ఫెడరేషన్‌ (ఎన్‌సీసీఎఫ్‌) అంగీకరించింది. చమురుసంస్థలు, పౌరసరఫరాల శాఖ మధ్య సమాచారలోపం కారణంగా రాష్ట్రంలో డీజిల్, పెట్రోల్, ఎల్‌పీజీ కొరత వచ్చిందంటూ కేంద్ర పెట్రోలియం శాఖకు నివేదించాం’అని మనోహర్‌ చెప్పారు. ధాన్యం సేకరణ విషయంలో వైకాపా నాయకులు చేస్తున్న ఆరోపణలన్నీ అబద్ధాలేనని ఆయన పేర్కొన్నారు.  ఏమిటీ సీడీబీసీ?కేంద్రం ప్రజాపంపిణీ వ్యవస్థ ద్వారా పేదలకు సబ్సిడీ రూపంలో అందిస్తున్న మొత్తాన్ని రిజర్వ్‌ బ్యాంక్‌ జారీ చేసిన డిజిటల్‌ రూపాయి రూపంలో లబ్ధిదారుల ఖాతాలకు పంపుతుంది. బియ్యం, పంచదార, ఇతర వస్తువులపై అర్హులైన కుటుంబాలకు నెలవారీగా అందించే సబ్సిడీ మొత్తాన్ని.. రేషన్‌కార్డులతో అనుసంధానమైన ఫోన్లలో డిజిటల్‌ వ్యాలెట్లు ఏర్పాటు చేసి, దానిలో జమ చేస్తుంది. దీంతో ఆ రేషన్‌ దుకాణంలో లభించే ఏ వస్తువైనా కొనుక్కోవచ్చు. బయోమెట్రిక్స్‌ వేయాల్సిన అవసరం ఉండదు. లావాదేవీల వేగం పెరుగుతుంది. ప్రభుత్వం నుంచి తమకు ప్రతి నెలా ఎంత సబ్సిడీ అందుతుందో వినియోగదారులకు స్పష్టంగా తెలుస్తుంది. రేషన్‌ డీలర్లకు మార్జిన్లూ రియల్‌టైమ్‌లో అందుతాయి.

KANAKA DURGA · 5 నెలల క్రితం

వ్యాపారం

అల్లుడికి వెండి చెప్పులు.

మహారాష్ట్ర : వెండి ధర ఆకాశాన్నంటుతున్న వేళ.. మహారాష్ట్రకు చెందిన ఓ వ్యక్తి తన అల్లుడి కోసం కిలోన్నర వెండితో ప్రత్యేకంగా రూపొందించిన కొల్హాపురి చెప్పులను కానుకగా అందజేశాడు. ఈ పాదరక్షల కోసం దాదాపు రూ.4 లక్షలకుపైగా ఖర్చుపెట్టారు. కొల్హాపుర్ కు చెందిన ప్రముఖ చర్మకారుడు విక్రాంత్ మాలి దాదాపు ఎనిమిది రోజులు శ్రమించి ఈ ప్రత్యేక చెప్పులను రూపొందించాడు.

గల్లా శివాజీ · 5 నెలల క్రితం · Andhra Pradesh, Chittoor

వ్యాపారం

ఎరువుల అక్రమ రవాణాపై అచ్చెన్నాయుడు సీరియస్

విజయవాడ : ఆంధ్రప్రదేశ్‌లోని పలు జిల్లాల్లో వ్యవసాయేతర అవసరాలకు ఎరువులను అక్రమంగా తరలిస్తున్న ఘటనలపై వ్యవసాయ శాఖ మంత్రి కింజారపు అచ్చెన్నాయుడు తీవ్ర ఆగ్రహం వ్యక్తం చేశారు. రైతులకు అందాల్సిన ఎరువులు ఇతర ప్రాంతాలకు మళ్లిస్తున్నారనే సమాచారం రావడంతో వెంటనే చర్యలు తీసుకోవాలని అధికారులను ఆదేశించారు. ఎరువుల అక్రమ నిల్వలు, బ్లాక్ మార్కెట్ కార్యకలాపాలను అరికట్టేందుకు డీలర్లు, గోదాములపై ప్రత్యేక తనిఖీలు నిర్వహించాలని వ్యవసాయ శాఖ కమిషనర్‌కు మంత్రి సూచించారు. ఎరువుల కొరతను కృత్రిమంగా సృష్టించే వారిపై చట్టపరమైన చర్యలు తప్పవని హెచ్చరించారు.రైతులకు అవసరమైన సమయంలో సరిపడా ఎరువులు అందుబాటులో ఉండేలా ప్రభుత్వం అప్రమత్తంగా ఉందని మంత్రి తెలిపారు. జిల్లాల వారీగా ఎరువుల నిల్వలను ప్రతిరోజూ పర్యవేక్షించాలని అధికారులకు ఆదేశాలు జారీ చేశారు. అలాగే అక్రమ రవాణాను అరికట్టేందుకు విజిలెన్స్ బృందాలు, ప్రత్యేక దళాల నిఘాను మరింత పెంచాలని సూచించారు. ఎరువులను పక్కదారి పట్టిస్తున్నట్లు రుజువైతే సంబంధిత డీలర్ల లైసెన్సులను రద్దు చేయడంతో పాటు క్రిమినల్ కేసులు నమోదు చేస్తామని అచ్చెన్నాయుడు హెచ్చరించారు. రైతులను మోసం చేసే వారిని ఎట్టి పరిస్థితుల్లోనూ ఉపేక్షించబోమన్నారు. ఇక, వ్యవసాయ శాఖ అధికారుల నిర్లక్ష్యంపై కూడా విచారణ చేపట్టాలని మంత్రి ఆదేశించారు. రైతులకు ఎలాంటి ఇబ్బందులు కలగకుండా ప్రభుత్వం అన్ని చర్యలు తీసుకుంటోందని ఆయన స్పష్టం చేశారు.

KARTHIK · 5 నెలల క్రితం · Andhra Pradesh, Guntur